Noia: 3.000 euros do Concello para Cáritas e o seu labor social

Imaxe de presentación da web de Cáritas en http://www.caritas.es

Noia, 9 de xullo de 2012. O Concello de Noia, a través da concellería de Servizos Sociais Igualdade e Benestar, dirixida pola nacionalista Sofía Caamaño Lado, asinou a semana pasada un convenio coa entidade social Cáritas de Noia. O acordo asinado supón unha achega económica por parte do Concello a esta entidade de 3.000 euros.

A citada subvención concédese a dita entidade para o finanzamento da súa actividade social. Inclúe gastos en alimentación, transportes e outros gastos correntes. Deste xeito o beneficiario adquire as seguintes obrigas:
a) Realizar as actividades de carácter social que se financian.
b) Fican excluídos desta subvención os gastos financieiros (intereses e amortizacións de pasivos financieiros, como préstamos e outros análogos) e os gastos que teñan o carácter de gastos de investimento.

Os Servizos Sociais do  concello de Noia colaboran dende sempre con Cáritas Parroquial, facendo derivación de persoas e familias ós seus programas:

-Banco de Alimentos

-Roupeiro infantil e de persoas maiores

-Axudas económicas  a familias que presentan demandas urxentes ou que polas caracteristicas da propia axuda, non poden ser asumidas polo concello,  exemplo (débedas de taxas municipais)

Asimesmo as/os distintos profesionais  dos Servizos Sociais municipais  veñen colaborando  en celebración de xornadas de formación ás familias e de información sobre recursos existentes nas distintas administracións.

 

Cáritas recibe una partida adicional de 9,5 mill. de euros del Fondo Social Europeo para impulsar el acceso al empleo bit.ly/MSPUdV

— Cáritas Española (@_CARITAS) June 27, 2012

Llega la hora de pasar a la economía de las "erres": Reduce, Recicla, Reutiliza y Reparte el uso de los bienes bit.ly/Nncomk

— Cáritas Española (@_CARITAS) June 1, 2012

Posted via email from Certo.gl, o xornal dixital de Barbanza e Noia

Noia: abren ao público o antigo cemiterio parroquial de Barro, onde se pode visitar a capela románica de San Antón e un peto de ánimas restaurados

Noia, 9 de xullo de 2012. O Concello de Noia, a través da Concellería de Casco Histórico e Patrimonio, que dirixe o nacionalista Bieito González, e en colaboración coa Asociación de  Veciños de Sta. Cristina de Barro, vén de articular un xeito de manter aberto ao público, durante todo o ano, en horario de mañá e tarde, o recinto do antigo cemiterio parroquial. Neste espazo arquitectónico pódese visitar a capela románica de San Antón e o peto de ánimas, un conxunto restaurado pola Consellería de Cultura no pasado mandato municipal.

Peto de ánimas restaurado

Detalle de fiestra interior da capela, con policromías

Capitel románico interior da capela de San Antón

Logo dunha entrevista mantida o mes de setembro do pasado ano co Vicario Xeral da Curia, o Arcebispado de Santiago de Compostela, otorgou autorización ao Concello para a apertura do citado recinto, a fin de que o mesmo fose susceptible de ser visitado.

A capela de San Antón, de estilo románico, data dos séculos XI-XII, con canzorros, arco e columnas de entrada ao primitivo presbiterio e bóveda de canón, aínda que tamén conta con engadidos moi posteriores, como a torre campanario, pináculos rematados con bolas, porta e ventá adinteladas na fachada oeste. Presenta planta rectangular e cuberta a dúas augas, sendo todo o conxunto de fábrica de cantería.

Canzorro da capela de San Antón

Canzorros situados na fachada da mesma capela

Na parte exterior do recinto, e incorporado ao muro perimetral de peche tamén destaca o peto de ánimas. Trátase dunha construción de pedra de máis de tres metros de alto por dous de ancho. Consta dunha mesa de altar, rectangular e con molduras. A parte superior está formada por unha gran fornela, adaptada ao arco de medio punto sobre esteos na que había unha representación pictórica das almas do purgatorio. A súa construción pode datar de finais do século XIX ou principios do XX.

Compromiso veciñal

A comunidade veciñal de Santa Cristina de Barro, representada pola súa Asociación de Veciños, levaba anos demandando a posibilidade de que o recinto (onde non se producen enterramentos desde o ano 1961, data de apertura do novo cemiterio) puidese estar aberto de xeito permanente para uso e disfrute de veciños e visitantes, cuestión á que agora se chega co compromiso, por parte dos mesmos, de atender á apertura e peche do recinto todos os días do ano.

Pode que tamén lle interese:

• Noia: cartel e programación da Feira Medieval, do 13 ao 15 de xullo

Posted via email from Certo.gl, o xornal dixital de Barbanza e Noia

Ribeira: recepción no concello ao alumnado da gardería, cuxa ampliación acaba de ser adxudicada

• A firma Jesús Martínez será a encargada de ampliar o recinto por 548.666 euros. Presentáronse 39 empresas. 
• En dous meses fará os traballos da planta baixa e en catro a totalidade da obra
  

Ribeira, 3 de xullo de 2012.- Reunida a mesa de contratación, vén de ser adxudicada esta mesma mañá as obras de ampliación e reforma da Escola Infantil Municipal de Ribeira: unha actuación que recaeu na empresa Jesús Martínez Construcciones.

Así o deu a coñecer o alcalde no transcurso dunha recepción moi especial acontecida no día de hoxe no salón de plenos da Casa do Concello de Riveira: a dos alumnos e alumnas que están asistir á gardería municipal e que, nun número aproximado de corenta, acudiron ao solemne estancia do Consistorio.

Rebaixa de prazos

A adxudicación a Jesús Martínez Construcións (de entre as 39 empresas que se presentaron) ten lugar por un importe de 548.666 euros. Hai que destacar a substancial rebaixa en canto aos prazos de execución das obras que, se no pliego de condicións estaban establecidos nun máximo de catro meses para a planta baixa e seis para o global da actuación, quedan finalmente fixados de acordo coa oferta da empresa en dous meses para a planta baixa e catro para a totalidade da obra.

Deste xeito, e tendo en conta a inmediatez con que se iniciarán os traballos de ampliación, as estimacións que manexa o Executivo é as de que a primeira planta quede lista para recibir aos rapaces o 15 de setembro e o conxunto da obra remate no mes de novembro.

Profesións

Polo que respecta ao acto de recepción dos nenos, que estiveron acompañados polas súas profesoras e pola dirección do centro, conformada por María José e Elena García Escurís, esta visita á Casa do Concello adscríbese a un programa de visitas organizadas co obxectivo de que os cativos podan coñecer de preto distintas profesións como as de cociñeiro, policía, profesor de música ou, no caso que nos ocupa, político.

Tanto a concelleira de Educación Mª Carmen Vizcaya como o alcalde Manuel Ruiz procuraron que os pequenos entendesen como é o día a día dun político e cal é o seu labor no seo da sociedade.

Ambos foron obsequiados como representantes da Corporación con sendos murais elaborados polos alumnos, un de agradecemento pola ampliación da gardería e o outro para lembrar a importancia que ten o oficio de mestre para a formación da infancia.

O especial do acto deu pé incluso a que dous dos nenos –Pepe e Uxía- sentáranse na cadeira de alcalde e exercesen como tales.

ESTAMOS EN UN TRÁNSITO DE LA MENTIRA DESCARADA PARA GANAR EL PODER A HACER TODO EL RATO LO CONTRARIO A LO QUE PROMETIMOS EN UN ÁMBITO GUAY.

— masaenfurecida (@masaenfurecida) July 9, 2012

Tras la Eurocopa y la entrega del Códice Calixtino, la próxima performance de Mariano Rajoy será en las campanadas de fin de año.

— 08181 (@08181) July 9, 2012

"Boiro: @estradense: Hoxe no curro solidario de sabucedo logrouse toda a financiacion para Paula #sabucedo #rapadasbestas" Que ben!

— Certo (@Certo) July 9, 2012

See the full gallery on Posterous

Posted via email from Certo.gl, o xornal dixital de Barbanza e Noia

Noia: xa está confirmado un dos concertos do San Bartolomeu, "Cantajuego", para os máis pequenos

• O domingo, 26 de agosto, ás oito da tarde, traen o seu espectáculo "Cosquillas"
  

Noia, 8 de xullo de 2012. Xa se están pechando as actuacións das festas máis grandes de Noia, xunto co San Marcos, o San Bartolomeu. O grupo "Cantajuego", que calquera persoa con nenos menores de seis anos a cargo coñece, actuará o domingo 26 de agosto. O Concello colabora poñendo escenario e unha cantidade simbólica para garantirlles custes de desprazamento. O ano pasado xa viñeran contratados polo Concello e o seu custe foi, segundo fontes do Concello, moi alto.

Os prezos son : ZONA A 26,50€ e ZONA B 19,50.

Posted via email from Certo.gl, o xornal dixital de Barbanza e Noia

Ribeira: recibidos os deportistas de elite internacionais que van participar nos Xogos Olímpicos de Londres

•  Van estar esta vindeira semana no campamento "Soño Olímpico"
  

 

Ribeira, 7 de xullo de 2012.- A Casa Consistorial foi escenario este mediodía dunha recepción oficial a unha ducia de deportistas e adestradores do máis alto nivel no deporte do taekwondo que escolleron Ribeira para ultimar a súa preparación de cara aos Xogos de Londres 2012, que darán comezo a principios do mes que vén. Todos eles participarán a partir do vindeiro luns no Campamento Internacional Soño Olímpico, unha iniciativa organizada polo Club Natural Sport Videlgi que contará coa participación duns 200 rapaces de 20 nacionalidades distintas que queren aprender e interactuar con estes combatentes de élite a fin de perfeccionar o seu nivel.

 

O alcalde Manuel Ruiz Rivas e o concelleiro de Deportes Juan Luis Martínez recibiron e felicitaron a grandes especialistas desta arte marcial como, entre outros, Hassane Smaili e Jesús Benito (adestradores da Selección De Marrocos), como Isam Chernoubi, Sanaa Ataborur e Wiam Dislam (que loitarán en Londres 2012 baixo a bandeira de Marrocos), como Suvi Mikkonen (clasificada por Finlandia), como Jesús Ramal (adestrador da selección finesa), e como as suizas Nina Kläy (subcampioa de Europa Absoluta) e Manuela Bezzola (campioa da Universiada e olímpica En Beijing) e a española Yaiza Soiza (campioa nacional), que están a axudar a Suvi Mikkonen a afinar a súa preparación olímpica.

 

Ruiz Rivas desexou aos presentes -que estiveron acompañados no salón de plenos doutros deportistas que participarán tamén no Campionato Soño Olímpico- unha agradable estancia no municipio riveirense en moita sorte para os Xogos.

 

Así mesmo, proclamou a súa esperanza de que nos seguintes xogos olímpicos que se disputarán en Río de Xaneiro no 2016 poida haber presenza ribeirense, en deportes como taekwondo, a natación e o atletismo.

Ribeira: o nacionalista Francisco Jorquera cualifica de "feito esperpéntico, eleitoralista e propagandista" a devolu... post.ly/8BrPV

— Certo (@Certo) July 7, 2012

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: constituído o Consello Sectorial de Pesca

 

 

 

Ribeira, 7 de xullo de 2012.- Onte pola tarde quedou constituído oficialmente o Consello Sectorial de Pesca de Ribeira, que nace coa intención de aglutinar e representar os intereses do sector pesqueiro local e de servir de órgano de colaboración coas distintas instancias que gardan competencia nesta materia.

 

Ante a presenza con carácter excepcional da conselleira do Medio Rural e do Mar da Xunta, Rosa Quintana, e do secretario xeral do Mar, Juan Carlos Maneiro, o alcalde de Ribeira e presidente do Consello Sectorial, Manuel Ruiz Rivas, explicou que por medio deste órgano se pretende a unión de todos os sectores extractivos e derivados de Ribeira. “Nun mundo globalizado e neste porto que presume de ser o máis importante en pescas como a de baixura, os seus sectores non poden traballar por separado”, afirmou Ruiz Rivas, quen considerou que “a voz de todos debe soar unida e forte”.

 

Rachar a fenda coa poboación civil

O rexedor local tamén salientou a importancia de que os sectores do mar se unan coa poboación civil, xa que nos últimos anos se deu unha fenda importante que provocou que cando as reivindicacións destes sectores buscaban o apoio da xente que ten o seu oficio en terra, non se dera esa implicación. “Hai que rachar calquera tipo de diferenzas que houbera no pasado”, incidiu.

 

Unha das propostas que figuraban na orde do día era a de propoñer un grupo de traballo tanto para a mellora e xestión da lonxa actual como da futura lonxa. Sobre esta última infraestrutura, en pleno proceso construtivo e cun investimento superior aos 17 millóns de euros, Manuel Ruiz declarou que a súa execución vén a paliar un sentimento que se tiña en Riveira de que, sendo o porto máis importante en mans da Xunta de Galicia, non se correspondía ese feito cos servizos que alí se prestaban.

 

Pola súa parte, Rosa Quintana felicitou aos presentes por esta iniciativa e resaltou o feito de que precisamente hoxe pola mañá se constituíra tamén o Consello Galego de Pesca.

 

Sobre a importancia de que todos os sectores implicados traballen en común, a máxima autoridade en materia pesqueira manifestou: “Todos unidos somos unha potencia, pero por separado non somos ninguén.

 

Consello Sectorial

Outro dos puntos do día foi a designación de vicepresidente do Consello Sectorial, posto que recaeu na persoa de Manuel Lampón Suárez.

 

Actúan como vogais: José Antonio Pérez Sieira (en representación da Confraría de Pescadores de San Pedro de Riveira), Miguel Antonio Franco Parada (Confraría de Pescadores de Palmeira, que non puido acudir ao encontro), José Manuel Oujo Fernández (Confraría de Pescadores de Aguiño), Juan Antonio Pérez Vidal (Sociedade Cooperativa Galega do Mar Santa Uxía Limitada), Ignacio Vázquez Abad (Asociación de Armadores de Riveira), Francisco Ayaso Casais (Asociación do Cerco de Riveira e Aguiño), José Manuel Vidal Paz (Asociación de Compradores de Pesca de Riveira), José Manuel Orellán Santos (administrador da Lonxa Municipal de Riveira), Mª Herminia Pouso Maneiro (Grupo Municipal Popular), Xosé Antonio Vázquez Cobas (Grupo Municipal Bloque Nacionalista Galego), Andrés Francisco Fariña Cadenas (Grupo Municipal Socialista), Esteban Paz Mariño (Grupo IPdR), así como Andrés Pérez Pouso e Manuel Lampón Suárez a proposta de alcaldía.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: o nacionalista Francisco Jorquera cualifica de "feito esperpéntico, eleitoralista e propagandista" a devolución do Códice este domingo por Mariano Rajoy

• O candidato do BNG á presidencia da Xunta empraza a Feijóo a que pida a renuncia ao alcalde de Portas logo da súa “baixa trampa como militante do PP”

Xurxo Ayán escribe sobre "Manoliño o Electricista". O presunto ladrón do Códice CAlixtino. Alta retranca señores!certo.es/index.php?page…

— Certo (@Certo) July 5, 2012

Xornalistas cubrindo a declaración nos xulgados de Santiago do electricista presunto ladrón do Códice

Ribeira, 7 de xullo de 2012. O candidato do BNG á presidencia da Xunta, Francisco Jorquera, cualifica de “esperpéntico”, “eleitoralista” e “propagandista” o feito de que sexa mañá o presidente do Goberno español, Mariano Rajoy, quen, nun acto oficial, vaia entregar o Códice Calixtino ao Arcebispo de Santiago.

Jorquera fixo esta afirmación durante a súa intervención no acto realizado esta tarde polo BNG de Ribeira dentro da campaña Día da Patria Galega 2012. O acto consistiu nun roteiro cultural pola vila e logo nunhas intervencións políticas, a cargo do líder nacionalista e do escritor Plácido Betanzos.

Sinalou o líder nacionalista que "non ten precedentes que un presidente do Goberno se aproprie dunha actuación policial e se dispoña a utilizala no seu beneficio partidario". O PP, engadiu,  “non asumiu aínda as súas responsabilidades neste caso, as responsabilidades derivadas de que non garantiu nin a protección nin a seguridade do Códice Calixtino, tal e como era a obriga do Goberno galego”.

“É esperpéntico que un goberno democrático utilice propagandisticamente unha actuación policial para facerlle entrega dun ben ao seu titular”, concluiu Jorquera, que non entrou no necesario debate de facer público determinado patrimonio galego, como o caso deste Códice ou o Panteón de Galegos Ilustres, que se pode pechar a vontade da Igrexa, como aconteceu o ano pasado, pois é a titular del.

Concello de Portas

O candidato nacionalista tamén se referiu á situación criada no concello de Portas, logo de que o seu alcalde, implicado nun presunto delito fiscal, se dese de baixa como militante.

“Podemos falar dunha baixa trampa, dáse de baixa formalmente, pero materialmente continúa no PP”, afirma Jorquera, para quen “proba evidente” disto é que o presidente da Xunta –e presidente do PP galego- “non lle pediu que renunciase ao seu cargo”, “por non falarmos da protección evidente que lle brinda o presidente da Deputación de Pontevedra”.

Por un Día da Patria Galega 2012 masivo

Ademais, nun ton tamén electoralista, Jorquera fixo un chamamento a un seguimento “masivo” da convocatoria do BNG para o Día da Patria Galega 2012. “O lema co que convocamos este día é abondo elocuente. Rescata os Teus Dereitos. Iso é o que cómpre: rescatarmos o pobo, e non a banca”, afirmou, ao tempo que considerou que “o que chaman rescate á banca non é máis que un saqueo ao pobo”.

Jorquera acusou ao PP de “pór en risco” a cohesión social con “políticas suicidas” e “antipopulares” que “ameazan con converter a recesión en depresión”. “Son políticas antisociais e políticas centralistas, que aspiran a reducir a cinza as competencias das comunidades autónomas. E que fai Feijóo ante esta aspiración de práctica liquidación do autogoberno galego? Colaborar entusiasta”, reprobou o candidato nacionalista á presidencia da Xunta.

Alguén sabe se o comisario Serafín Castro é de UPyD? chuza.gl/story/maldicio… @carloscallon @amesanl Ou de @GaliciaBilingue ? #outravacanomillo

— Certo (@Certo) July 6, 2012

Hai que ser moi cínico para quitarse a foto do códice aproveitandose do traballo de funcionarios aos que se ataca e despreza

— rafaelguerrero (@rafaelguerrero) July 7, 2012

E mariano cando redevolva o códice vaille dicir aos funcionarios que o recuperaron que este ano lles vai baixar o soldo?

— rafaelguerrero (@rafaelguerrero) July 7, 2012

Entrega do códice: Rajoy chega a Santiago a demostrar q o Estado manda sobre GZ. Feijóo fará d vasalo. A Igrexa, no seu papel. Neofeudalismo

— Xosé Mexuto (@xosemexuto) July 7, 2012

La biblia, el best seller de sci-fi con más éxito a nivel mundial tinyurl.com/7gm6sbw

— Jot Down Magazine (@JotDownSpain) July 7, 2012

"-Lingua paleta do meu pobo, eu fáloa porque si, porque ma impoñen". Así serán os libros de texto de Galicia un día destes.

— Vicente Risco (@VicenteRisco) July 7, 2012

A Pobra do Caramiñal: denuncian a "baltarización" do Concello post.ly/89KCD A Alcaldía intenta escusarse cun escrito nada claro.

— Certo (@Certo) July 7, 2012

Posted via email from Certo.gl, o xornal dixital de Barbanza e Noia

Noia: Strabismo, Los Chavales, Sinestesia e Morrigan homenaxean a Los Tamara cun disco

• Esta iniciativa foi coordinada desde as instalacións do Espazo Xove que o departamento autonómico ten en Noia

Unha imaxe de arquivo de Strabismo, grupo entrevistado en Certo aquí

Noia, 7 de xullo de 2012.- Un grupo de mozos e mozas de Noia vén de editar un disco homenaxe ao grupo “Os Tamara”, a través do programa de participación xuvenil “Iniciativa Xove” que promove a Consellería de Traballo e Benestar.

O director xeral de Xuventude e Voluntariado, Ovidio Rodeiro, presentou onte esta iniciativa. O obxectivo do proxecto foi recuperar para a mocidade a música dos Tamara e resaltar a importancia desta banda, que tivo grandes éxitos a nivel galego e español.

Neste disco homenaxe, participaron catro bandas da comarca de Noia: Strabismo, Los Chavales, Sinestesia e Morrigan. Todas elas adaptan e reinterpretan os temas dos Tamara “como sentido e humilde homenaxe ao seu traballo pioneiro no eido da música e da cultura galega”.

Esta iniciativa foi coordinada dende as instalacións do Espazo Xove que o departamento autonómico ten en Noia. Pola súa banda, os grupos encargaranse de promocionar e difundir o disco mediante actuacións en locais de ocio da comarca.

O programa “Iniciativa Xove”, que desenvolve a Dirección Xeral de Xuventude e Voluntariado, ten como obxectivo a posta en marcha de proxectos de carácter innovador, que fomenten a participación xuvenil. Estas iniciativas poden ser presentadas tanto por asociacións, como por grupos informais de mozos e mozas que se unan para levar á práctica os seus proxectos.

O director xeral de Xuventude e Voluntariado destacou que ferramentas como Iniciativa Xove “permiten que os mozos e mozas poidan demostrar a súa capacidade para organizar, emprender e impulsar aquelas actividades onde eles mesmos son os actores principais”. Ademais, tamén valorou que “a responsabilidade de organizar as súas propias actividades libera un proceso de educación non formal de gran utilidade para o futuro e supón estar creando unha verdadeira escola de cidadanía activa”.

Iniciativa Xove subvenciona proxectos que non poden ser superiores aos 4.000 euros e financiarase o 100% dos gastos, polo que é incompatible con outras axudas destinadas á mesma actuación.

Este programa tamén concede anticipos automáticos de pagamento do 80% como financiamento necesario para poder levar a cabo as actuacións inherentes á subvención, a aquelas entidades e grupos informais, que unha vez notificada a resolución de concesión da axuda manifesten expresamente a aceptación da mesma, de xeito que a falta de liquidez non sexa un impedimento para levar a cabo proxectos interesantes.

Posted via email from Certo.gl, o xornal dixital de Barbanza e Noia

Porto do Son: convocan concurso de fotos sobre Igualdade de Xénero

• Prazo ata o 19 de abril de 2013
  

Porto do Son, 7 de xullo de 2012. O Concello de Porto do Son convoca o I Concurso fotográfico sobre a igualdade de xénero.

Tema: “Igualdade de xénero”. Valorarase a temática das fotografías relacionadas coas xentes do Son.
As fotografías ou series poderán ser en cor ou en branco e negro, cun tamaño mínimo de 24 x 30 cm. Tódalas fotografías irán presentadas en superficie ríxida (cartolina, non) en tamaño 50 x 60 cm. Ó dorso de cada fotografía figurará exclusivamente o lema da obra, lugar e ano no que se tomou a fotografía. Con tódalas obras adxuntarase un sobre pechado no exterior do cal aparecerá soamente o alcume do autor e no seu interior indicaranse os seguintes datos: nome e apelidos do autor, título das obras, explicación da técnica utilizada, enderezo e número de teléfono.

Prazo: as obras serán remitidas ou presentadas nas oficinas do Concello (rúa Atalaia, s/n, 15970, Porto do Son) antes do día 19 de abril de 2013.

Premios:
O primeiro premio: 601,01 € e un diploma conmemorativo.
O segundo premio: 300,51 € e un diploma conmemorativo.
O terceiro premio: 150,25 € e un diploma conmemorativo.
O xurado poderá conceder tres accésit de 60,01 €, se a calidade das fotografías así o requiriran.

Máis información no BOP da Coruña do 5 de xullo de 2012 e na OMIX de Porto do Son, teléfono 981 867 414

Posted via email from Certo.gl, o xornal dixital de Barbanza e Noia

A Pobra: este domingo, 8 de xullo, Curro das Canizadas na Curota

Un vídeo de Paco do Martelo, un asiduo a este curro

A Pobra, 6 de xullo de 2012. Case 200 bestas serán rapadas -ou polo menos baixadas con esa intención- no Curro das Canizadas, no monte Curota, este domingo 8 de xullo. Como é tradición, o curro comeza ás 10:30 co pechamento das eguas e cabalos, logo farase unha comida ao aire libre e, o punto máis interesante, terá lugar a partires das cinco da tarde, coa rapa e marcado das bestas por parte dos aloitadores. Tamén é xa costume que se rifen un cabalo e un porco para poñer fin á cita equina.

Antes, en Certo:

• A Pobra: novo caso de enchufismo do PP
  

  

• A Pobra: A Treixadura, reinaugurada

• A Pobra: xa publicaron a programación cultural do verán

• A Pobra: montan unha web medioambiental pero non informan nin fan nada sobre verteduras no río Morto

 

 

 

Posted via email from Certo.gl, o xornal dixital de Barbanza e Noia