Ribeira: integrantes da Aula Galega de Saxofón participan no Mallorca Saxophone Festival ata o 21 de abril

Ribeira, 15 de abril de 2011. O Conservatorio Profesional de Música de Ribeira informa da viaxe que afrontan hoxe mesmo os membros da Aula Galega de Saxofón rumboa Mallorca Saxophone Festival. Este é un festival que vai pola súa terceira edición e que se está a converter nun dos máis importantes a nivel nacional e europeo en canto ao mundo saxofón se refire.  

Profesores de grande prestixio internacional, master class, concertos, conferencias .... son algunhas das actividades que os alumnos e José Fungueiriño (profesor e responsable da organización  desta iniciativa do Conservatorio Municipal) poderán disfrutar ata o xoves 21 de abril, día de regreso a Galicia. 

Por outra parte, o Conservatorio Profesional de Ribeira  tivo o pasado fin de semana do 9 e 10 de abril un novo encontro. Neste encontro púxose en marcha unha nova actividade que consiste en master class específicas para alumnos de 10 a 14 anos. A acollida desta iniciativa foi moi boa e ademais dos 16 estudantes de saxofón habituais de  todos os meses acudiron a esta nova actividade 10 alumnos novos de Ribeira, Cambados, Santiago e Moraña. Cómpre dicir que non se puido atender a tódalas peticións que houbo xa que non había tempo material para que o mestre Rodrigo Vila puidera impartir máis clases, pero vendo a boa aceptación no próximo encontro en maio volverase a poñer en marcha dita actividade.

A Aula contou tamén neste fin de semana coa visita do prestixioso profesor do Conservatorio Profesional de Música Amaniel de Madrid, Ángel Luis De La Rosa, o cal foi testemuña e así o afirmou, da pioneira e fantástica iniciativa do conservatorio de Ribeira e  do moi bo nivel que están amosando os alumnos que a ela asisten.

www.mallorcasaxophonefestival.com

 

Posted via email from Certo.gl, o xornal dixital de Barbanza e Noia