Ribeira: Amicos puxo a funcionar a primeira unidade piloto para atender nenos con autismo

Ribeira, 10 de outubro de 2012. A asociación Amicos informou onte do inicio no  centro ocupacional de Oleiros da primeira unidade piloto para a atención específica de nenas e nenos de Barbanza e arredores con autismo. Esta ampliación de servizos que garante a entidade que preside Esther Vidal non podería ter lugar sen o apoio da obra social de La Caixa e da Consellería de Educación.
 

Amicos sinalou que esta unidade especial era moi demandada polos pais de nenos con autismo, ao non haber perto ningunha instalación con este servizo. Responsables de La Caixa acudiron ao centro ocupacional de Oleiros para visitar esta unidade piloto recén creada. Estiveron a xefa da zona de Santiago e representante da obra social de La Caixa, María Jesús González, e o director en Ribeira, Andrés Lijó Villa.

A obra social da caixa catalana fixo posible que nestes catro anos máis de 80 persoas con discapacidade das comarcas de Barbanza e Noia recibiran asistencia, rehabilitación e formación, algo que, como non podía ser menos, agradeceron satisfeitos os responsables de Amicos.

Antes, en Ribeira:

• Turismo: baixaron as consultas turísticas en 2012 con respecto ao ano pasado

• Ribeira: o Bng reuniuse co sector pesqueiro

  

• Ribeira: o pintor Antonio Pérez doa "Xeiteiros na rambla do Colón"
• Música: punk ribeirense esta fin de semana en Euskadi

 

Posted via email from Certo.gl, o xornal dixital de Barbanza e Noia