13.4.10
Ribeira: o alcalde visitou o Salón Internacional do Gourmet en Madrid, no que participan tres empresas da Centenaria
Ribeira, 13 de abril.- O alcalde de Ribeira e senador José Luis Torres Colomer visitou hoxe en Madrid o XXIV Salón Internacional do Club de Gourmets a invitación da firma Pescaldía: unha das tres empresas do municipio que está a participar dende onte neste certame. Ademais de desprazarse ao stand de Pescaldía, o rexedor ribeirense visitou tamén os módulos expositivos que teñen no parque feiral de Ifema as conserveiras Frinsa e Lou.
A presenza de tres firmas ribeirenses nun referente feiral a escala internacional nos sectores da gastronomía e da alimentación "constata a importancia de Ribeira como primeiro porto de baixura de España e de Europa, con cifras tan relevantes como os 38,2 millóns de quilos de peixe e mariscos descargados no 2009 e, igualmente, os 38,2 millóns de euros de facturación, destacando a captura de especies como a caballa, o xurel, o lirio ou a merluza", apuntan en nota de prensa dende o Concello.
Torres Colomer, senador e alcalde de Ribeira polo PP
No transcurso desta visita, José Luis Torres, departiu co xerente de Pescaldía, Ignacio Vázquez Abad, e salientou o gran esforzo que está a realizar esta empresa na comercialización de produtos pesqueiros frescos de calidade, con innovadores sistemas nos labores de transformación e procesado.
Así mesmo, quixo salientar a presenza no Salón dun empresa líder no sector conserveiro como é Frinsa, e doutra conserveira que se ben posúe carácter artesanal destaca igualmente polos seus produtos de calidade: Lou, con sede na parroquia de Castiñeiras.
Posted via email from Certo.es, o xornal virtual de Barbanza e Noia
Compártelo
Rianxo: un interesante artigo sobre Santa Columba
Um dos meus lugares preferidos de Rianjo é a atalaia que sobre a praça de Rafael Dieste forma o adro da igreja. Esta plataforma permite-nos ver o varandão do paço de Martelo à altura dos nossos olhos, estar por cima do cruzeiro e ter uma perspectiva única do conjunto da praça.
A igreja é uma autêntica jóia, uma mistura de estilos bem engastados formando um conjunto harmónico e de indubitável beleza. Mália não ser um templo muito grande há numerosos elementos ornamentais que impressionam ao visitante, emanando como um perfume a mistério sem desvelar. Não conheço muitos trabalhos em profundidade sobre a igreja rianjeira; destacar, se calhar, o de Begoña Fernández Rodríguez, El Tema del Juicio Final : el ejemplo de Santa Columba de Rianxo.
Quem visite Santa Columba tem a obriga de prestar atenção na cruz cumial que pintara Castelao; na decoração duma janela na parede norte com imagens de São Blas e Santa Águeda; numa Piedade possivelmente do s. XII que se encontra no interior, conservando parte da policromia original e sobre tudo, ao meu ver, deambular ao redor do templo gozando da maravilhosa colecção de modilhões que povoam a cornija. Paga a pena jogar a ser Panofsky e tentar adivinhar que representam esses rostos que nos contemplam desde as alturas, perguntar-se que pretendeu ensinar-nos o artista com a sua lição pétrea. Com a minha câmara compacta tirei umas fotos de não muita qualidade mas suficiente como invitação a contemplação e entretenimento da imaginação.
Foto en Flickr de Amaianos, en http://www.flickr.com/photos/aamaianos/2710404597/
Posted via web from Certo.es, o xornal virtual de Barbanza e Noia
Compártelo
Cultura: o ribeirense Xosé Ramón Barreiro Fernández, premio Trasalba 2010
Xosé Ramón Barreiro Fernández na Galipedia Ribeira, 13 de abril de 2010. A Fundación Otero Pedrayo, que convoca e outorga o premio Trasalba, decidiu premiar nesta edición de 2010 a Xosé Ramón Barreiro Fernández pola súa traxectoria como historiador renovador da historiografía galega e pola liña do seu traballo, que segundo a Fundación "representa a memoria de Otero Pedrayo e a Xeración Nós". O galardón será concedido nunha cerimonia prevista para o 27 de xuño.
Posted via email from Certo.es, o xornal virtual de Barbanza e Noia
Compártelo
Ribeira: alumnos do colexio de Palmeira axudan a limpar as ourelas do río Azor
Desprazáronse á zona obxecto dos traballos a concelleira de Medio Ambiente de Ribeira, Elvira Pereira; e o tenente de alcalde Vicente García, quen avanzou que se seguirá adecuando o entorno substituíndo a pasarela existente para cruzar o canle do río por unha ponte de madeira. A actuación será realizada pola brigada municipal de obras.
Posted via email from Certo.es, o xornal virtual de Barbanza e Noia
Compártelo
12.4.10
Política: o "milagre" das oposicións do Sergas segue sen cobrarse dimisións
Santiago de Compostela, 12 de abril 2010. O viceportavoz do Grupo Parlamentario Socialista, José Manuel Lage, reclamou hoxe ao Presidente da Xunta que abra unha investigación oficial “sobre o milagre das oposicións no Sergas” e alertou de que “o escándalo é maiúsculo”.
Nese senso anunciou, en rolda de prensa, que o grupo parlamentario dos Socialistas de Galicia rexistrou unha interpelación para poñer “luz e taquígrafos para que se saiba a verdade deste asunto”.
Lage Tuñas di “que o Goberno de Núñez Feijóo ten que explicar como estaban traballando nos mesmos procesos selectivos as mesmas persoas que despois aparecen con mellor puntuación en varios oposicións do Sergas”, advertiu
E insistiu na súa argumentación xa que “as mesmas persoas que están traballando alí onde se imprimen e fotocopian os exames,son ao mesmo tempo as persoas que acadan as puntuacións máis altas en diferentes procesos selectivos, todos eles dependentes da subdirección xeral de recursos humanos”, afirma Lage
Con estes argumentos o viceportavoz do PSdeG no Parlamento pídelle ao Presidente Feijóo que tome decisións inmediatas no tocante a función pública e tamén na Consellería de Sanidade “porque as sospeitas de graves irregularidades van en aumento, o que demostra que se precisan medidas contundentes diante de casos como os das oposicións do Sergas”.
O deputado asegura que é necesario que se depuren responsabilidades no seo do Goberno Galego diante do “milagre das oposicións do Sergas”. E subliña ademais que “o milagre das oposicións do Sergas” é un caso tan escandaloso que “ben faría o presidente da Xunta de Galicia en tomar a iniciativa e depurar responsabilidades no seu goberno, xa que o goteo continuo de sospeitas e casualidades está facendo moito dano ao sistema de acceso ó emprego público que ten a xunta de Galicia”.
Lage Tuñas denuncia que “as tres persoas que traballan coa Subdirectora responsable das oposicións acadaron as mellores puntuacións nos procesos aos que se presentaron e son tamén as mesmas persoas que están traballando no departamento onde se reciben os pendrives cos exames por parte dos tribunais, e onde se formatean e imprimen os mesmos exames”, apunta o deputado.
O viceportavoz socialista subliña que “a condición de opositores que tiñan estas persoas impedíalles taxantemente desenvolver estas funcións. O Director Xeral da función pública tamén coñecía este caso ao igual que o coñecía a Conselleira de Sanidade e están mirando para o outro lado sen facer nada”.
O deputado socialista aludiu ademais ao filme “La escopeta nacional” de García Berlanga “porque tanto o marido da Subdirectora de Recursos Humanos como a cuñada do marido, e como os tres traballadores que fan labores auxiliares no departamento onde se elaboran e imprimen os exames das oposicións, son o mellor expoñente do dito “el que parte y reparte se lleva la mejor parte”, ironizou.
Asegurou tamén que ”é preciso restablecer as máximas garantías no acceso á función pública galega”. Relata que os continuos escándalos ó redor das oposicións á Xunta están xerando unha gran alarma social e introduce desconfianza en moitas persoas que están optando a un emprego público con moito sacrificio persoal, e estudando moitas horas” explicou o deputado socialista José Manuel Lage.
Nomeamento urxente dos 18 inspectores urbanísticos
Por outra banda, o Viceportavoz socialista tamén fixo pública unha iniciativa sobre o nomeamento dos 18 funcionarios que aprobaron as oposicións ao corpo de inspección urbanística da Xunta, fai máis dun ano.
Lage Tuñas reclama, na iniciativa rexistrada, proceder coa máxima urxencia ao nomeamento como funcionarios da inspección e da subinspeccion urbanística aos dezaoito opositores que superaron as probas de selección fai mais dun ano.
Tamén reclama depurar responsabilidades políticas correspondentes á neglixente xestión da resolución do proceso selectivo de acceso á función pública no corpo de inspección e subinspeccion urbanística da Xunta de Galicia.
O deputado socialista preguntase cales son os intereses ocultos do Partido Popular para non proceder a estes nomeamentos. Asegura que esta situación “atenta contra o principio de eficiencia” que se lle presupón á Administración Pública e nese senso preguntouse por poden existir ao respecto.
Dixo que este caso "deixa ás claras a concepción “do Executivo de Feijoo” sobre este asunto, “para o PP a Xunta é unha empresa de demolición. Todo o que soe a Goberno Socialista na Xunta de Galicia é demolido e combatido, por iso a Feijóo non lle interesa a protección do territorio”.
Por ultimo criticou que “se meteran na neveira os nomeamentos dos subinspectores de urbanismo”, e advertiu tamén que estivo moito tempo sen publicar a orde coa resolución desas oposicións e deixando a Galicia sen instrumentos de control da legalidade urbanística “algo que o Goberno de Feijóo fixo con intencionalidade, xa que están desmantelando a Axencia de Protección da Legalidade Urbanística”. Por iso insistiu no carácter de “autentico depredador do solo do Goberno encabezado por Alberto Núñez Feijoo”.
“Feijoo escapa a todo o que soe a control, a legalidade e a incremento de inspectores públicos para que se poida dar cumprimento á lexislación urbanística”, sentenciou.
Por último tamén reclamou que se depuren as responsabilidades políticas correspondentes “pola neglixente xestión da resolución do proceso”. Xa que o Director Xeral da Función Pública coñece o caso dende o 10 decembro, e informou que fai 4 meses que se reuniu cunha representación dos opositores.
“Pídolle a Rueda e Feijoo que tomen decisións contundentes no acceso á función pública, é imprescindible que haxa decisións”, e aseverou “as reformiñas express e os remendos de urxencia de Feijoo do pasado Consello da Xunta non son suficientes para tapar os buratos tan grandes que hai nas oposicións do Sergas”.
Posted via email from Certo.es, o xornal virtual de Barbanza e Noia
Compártelo
Rianxo: o Bng insta ao alcalde Pedro Piñeiro a asumir responsabilidades e non agocharse tras técnicos
(Nota do Bng)
Pedro Piñeiro, alcalde de Rianxo polo PSOE
As recentes imputacións por prevaricación nos xulgados de Padrón e a sentencia do Tribunal Superior de Xustiza pola ilegalidade do edificio Carbaxales implican o fin do modelo do ti vai facendo en Rianxo implantado polo PSOE
Rianxo, 12 de abril de 2010. O BNG de Rianxo rexeita o intento do Alcalde de agocharse tras os demais ou tras os técnicos que el nomea para diluir as súas responsabilidades e non dar a cara. O BNG lémbralle que só están imputados por prevaricación el e membros do PSOE de Rianxo. É el, o alcalde Pedro Piñeiro responsábel máximo deste concello e a súa Xunta de Goberno, quen teñen que asumir as consecuencias dos seus actos.
No caso do edificio Carbaxales o Alcalde deu unha licenza no ano 2005 para esta obra co informe favorábel do arquitecto municipal, asistencia técnica que el mesmo nomeou. O proxecto de obra de Carbaxales é dun socio dese arquitecto do Alcalde, e o Alcalde foi cómplice e non lle parou os pés nin advertiu destes feitos. Un socio aprobando o proxecto do outro, habituais colaboradores noutros proxectos entón e hoxe.Unha vez máis fóron os veciños os que tiveron que denunciar e impugar o acordo da Xunta de Goberno no ano 2006 que preside o Alcalde para evitar a desfeita e mirar para outro lado. Primeiro o Xulgado do Contencioso de Santiago e agora o Tribunal Superior anulan o acordo do goberno municipal.
Sabendo da denuncia veciñal 2006 mentres se ia facendo a construción non se deu desde o goberno local nin desde a Alcaldía as instruccións para inspeccionar e revisar o que se acometía. Unha simples inspección visual de rotina abondaría para ver que non se respectaban as distancias aos lindeiros, ou que se modificaban aliñacións, que aumentaba a altura, entre outros aspectos, ou que non se evitaba finalmente a entrada de veciños. Nada disto se fixo até que a primeira sentencia xudicial impediu consumar a falcatruada. Agora outros pagarán as consecuencias dos actos do Alcalde. O alcalde debe asumir as súas responsabilidades, dar a cara e explicarlle á Corporación municipal e aos veciños e veciñas de Rianxo, que pasa con estas imputacións e sentenzas que están a provocar o alcalde e o seu goberno.
Posted via email from Certo.es, o xornal virtual de Barbanza e Noia
Compártelo
Ribeira: collen poemas e fotografíanos por todo Aguiño, para converter o colexio nun poemario
Colgáronos nas casas, polas leiras: poetizaron a paisaxe! Vexan http://redeiras.blogspot.com/2010/04/poemas-colgados-polas-familias-nas-suas....
E o colexio transformado en poemario, en http://redeiras.blogspot.com/2010/04/poemas-colgados-polo-colexio-de-aguino.html
Posted via web from Certo.es, o xornal virtual de Barbanza e Noia
Compártelo
