O premio, convocado pola Deputación da Coruña, está dotado con 6.500 euros e a publicación da obra gañadora Boiro, 25 de outubro de 2010. O debuxante Brais Rodríguez Verde (Brión, 1980), é o gañador da VI edición do premio de banda deseñada “Castelao”, convocado pola Deputación da Coruña e dotado con 6.500 euros e a publicación da obra gañadora. O fallo foi feito público esta mañá polo presidente da institución provincial, Salvador Fernández Moreda, durante unha rolda de prensa que contou tamén coa asistencia do comisario do certame, Miguelanxo Prado, da deputada responsable da área de Cultura, Caridad González Cerviño, e dos integrantes do xurado, que seleccionou por unanimidade a obra A man do diaño, de Brais Rodríguez, da que destacou que “a partir dunha anécdota sinxela constrúe, nun relato ucrónico, un alegato humanista e antibelicista”. A acta do xurado destaca tamén o acertado uso dos recursos narrativos da obra premiada, “cun estilo moderno, claramente vencellado á banda deseñada europea máis nova”. Brais Rodríguez , nado en 1980 en Brión e criado en Boiro, Brais Rodríguez Verde é licenciado en Belas Artes pola Universidade de Vigo e conta xa, pese á súa xuventude, cunha dilatada traxectoria de premios entre os que se conta o primeiro premio de banda deseñada do certame GZ-Crea en 2009, ou o primeiro premio do certame de banda deseñada de Cangas do Morrazo (2005).Salvador Fernández Moreda afirmou que, coa convocatoria deste galardón, a Deputación da Coruña quere “promover a aparición de novos valores no ámbito da banda deseñada, xente que nun futuro poida ser para o cómic galego o que hoxe é Miguelanxo Prado”, e destacou que os gañadores deste premio en anteriores edicións como David Rubín, Antonio Seijas, Jacobo Fernández Serrano ou Mariano Casas, contan hoxe cunha importante proxección no ámbito do cómic galego. Pola súa banda, Miguelanxo Prado subscribiu as verbas de Fernández Moreda e apuntou que o gañador da anterior edición do certame, Daniel Montero Coira, participará o vindeiro mes de xuño no I salón de banda deseñada de Munich, motivo polo que expresou a súa satisfacción, xa que o premio Castelao “non busca só o efecto directo de premiar a una obra e un autor concreto, senón que se produza como efecto secundario promover a banda deseñada galega en xeral”. Segundo explicou o comisario do certame, A man do diaño sitúase “nun espazo de utopía e ucronía”, dende o que “vai amosando un catálogo de situacións e implicacións dos personaxes” durante unha situación bélica, que levan ao lector a “unha reflexión sobre o absurdo das guerras”.
Autorretrato de Brais Rodríguez VerdeCofundador do fanzine "Carne líquida", Brais Rodríguez é un dos autores fixos da revista "Barsowia" desde o seu primeiro número e o autor individual con maior volume de obra presente no tomo colectivo "Barsowia en llamas". Tamén foi un dos nomes ineludibles do "Fanzine Enfermo", e contribuíu á revista "Dos veces breve" (especial underground), ao álbum colectivo "H2Oil", así como ao web www.chapapote.org do Colectivo Chapapote. Historietas súas viron a luz nos compilatorios do principal concurso galego de BD nos anos 1999 e 2003. Ademais, ten sido merecedor de recoñecementos como pintor, participando en diversos certames. É membro do colectivo Leña Verde, de Boiro, dende a súa fundación. En Certo non somos alleos ás súas andanzas, e levamos seguíndoo dende a nosa fundación. Hai unha entrevista del aquí
Posted via email from Certo.gl, o xornal dixital de Barbanza e Noia
Rianxo, 23 de outubro de 2010. O presidente da Deputación de A Coruña, Salvador Fernández Moreda, e o alcalde de Rianxo, Pedro Piñeiro Hermida, inauguraron onte o novo campo de fútbol de herba artificial de A Lomba e a área recreativa anexa, nos que a institución provincial investiu máis de 850.000 euros. No discurso inaugural, Pedro Piñeiro louvou a colaboración económica da Deputación de A Coruña para facer realidade varios proxectos en Rianxo. “Se colocáramos nun plano de Rianxo unha bandeiriña en cada actuación que fai aquí a Deputación, cubriríamos o plano de bandeiras ondeando”, dixo o alcalde rianxeiro, quen foi enumerando as principais inversións deportivas da institución provincial nos últimos anos (sete pistas descubertas, dous pavillóns polideportivos, piscina municipal e campo de fútbol de Asados, recentemente inaugurado). Pedro Piñeiro sinalou que todas estas inversións “son feitos, non promesas, que falan do interese da Deputación pola promoción do deporte”. Fernández Moreda agradeceu a benvida dos veciños e representantes dos clubs alí presentes e afirmou que a súa visita responde a que “gústame ver que os cartos foron ben empregados e que as obras que facemos contribúen a mellorar a calidade de vida das persoas”. 
O presidente da Deputación lembrou a súa condición de concelleiro honorario de Rianxo, repasou as inversións que, en materia de deportes, fixo a Deputación na localidade. “O que facemos aquí en Rianxo, facémolo nos 94 concellos da provincia, porque nós non facemos distincións políticas”, subliñou Fernández Moreda. Presidente da Deputación e alcalde visitaron tamén a área recreativa anexa ao campo de fútbol, que costou 352.000 euros e conta con cancha de baloncesto, pista de skate, circuito de footing, mobiliario urbano (bancos, papeleiras, fontes), e unha zona de barbacoas, e na que proximamente se instalará un parque biosaludable para que as personas maiores poidan realizar exercicio físico. 
Louvou aos autores por un traballo “serio e ben documentado, que non é doado de escribir, porque case non hai fontes documentais. As fontes son as propias persoas e as que viviron aquela época van desaparecendo”. Segundo Salvador Fernández Moreda, no libro “non se cualifican conductas, se describen os feitos, e sen pon na historia a persoas de Rianxo e familias enteiras que foron vítimas da represión” durante a Guerra Civil. “Un libro como éste faría falta en todos os concellos de Galicia. Non para buscar venganzas ou revanchas, senón para coñecer a nosa propia historia e para evitar que feitos como éstes volvan a suceder”, sentenciou. Os autores agradeceron o apoio e financiación da Deputación para editar esta obra de investigación histórica e dos veciños de Rianxo, “moitos dos cales xa non están”, pola súa colaboración e testemuñas arredor duns feitos “moitas veces difíciles de lembrar”, xa que a maioría dos documentos da época desapareceron dos arquivos municipais. 
Retornos: a película do noiés Luís Avilés compite na Seminci de Valladolid e estréase o 29 de outubro en toda España. 
