Turismo: os catro alcaldes de Arousa Norte viaxaron a Madrid a facerse a foto en Fitur

• Estiveron apoiados pola delegada territorial do Goberno galego na Coruña
  

Barbanza, 31 de xaneiro de 2013.- Nin crise, nin austeridade: os alcaldes da Mancomunidade Arousa Norte (tres do PP e un do Bng) consideraron que tiñan que estar presencialmente en Fitur (Madrid) hoxe para dicir que esta bisbarra existe, inda que a presenza dela, como de todas as demais, é un pequeno curruncho no stand de Galicia. Ademais, os grandes titulares, como adoita acontecer nestas citas, fóronse para outras bisbarras, neste caso a da Costa da Morte, coa máis que cuestionable aposta polo mundo do ciclismo (Vuelta a España) nestes intres onde está tan baixo sospeita como o dos partidos políticos debido á dopaxe e corrupción.

A delegada territorial da Xunta na provincia, Belén do Campo, destacou o potencial turístico da comarca de Arousa Norte, pois “pertence a un xeodestino -Ría de Arousa-, que conta cunha enorme riqueza paisaxística natural, un importante patrimonio arquitectónico, xacementos arqueolóxicos de primeiro nivel e, tamén, unha gastronomía que está indisolublemente unida ao mar”.

A representante do Goberno galego na provincia reiteroulle aos alcaldes da Pobra do Caramiñal, Boiro, Rianxo e Ribeira "todo o apoio da Xunta de Galicia para seguir impulsando o crecemento turístico da zona e convertelo en referencia de calidade". Neste senso, avogou por incrementar a colaboración entre as administracións para poñer en valor os recursos do xeodestino, que conta coa peculiaridade de abarcar dúas provincias, pois tamén se estende ata Pontevedra.

Do Campo participou esta tarde no acto de presentación da campaña Regala Arousa Norte. Produtos e paquetes turísticos, organizada pola Mancomunidade de Municipios Ría de Arousa Zona Norte no stand disposto pola Xunta en Fitur, que acolle todas as propostas galegas baixo o paraugas da oferta común de Turgalicia. Nese senso, a delegada territorial valorou a iniciativa, que servirá para “aumentar o turismo de calidade en colaboración con empresas punteiras da zona relacionadas cos sectores de aloxamento, restauración e ocio.

Relacionada:

• A Pobra: que vai facer o alcalde a Fitur e canto vai costar?

Posted via email from Certo.gl, o xornal dixital de Barbanza e Noia

Noia: o Bng local tamén manifesta a súa disconformidade "e asombro" co peche ou traslado do Grumir

• O Bng apoia e sumarase á concentración deste domingo, 3 de febreiro, ás 13:00 horas fronte ao Concello para protestar por esta medida arbitraria da Xunta
  

Noia, 31 de xaneiro de 2013. O responsable local do Bng de Noia, Xosé Agapito Romeiro, manifestou hoxe en nota de prensa o seu "asombro e disconformidade coa decisión que acaba de tomar a Xunta de Galicia, respecto do traslado do GRUMIR de Noia para o concello de Muros".

"Sen ánimo de facer política localista, esta decisión da Xunta semella que non ten pés nen cabeza, tendo en conta a realidade e o contexto en que se dá. O concello de Noia conta cun alto potencial de medios neste tema, sen parangón nos concellos e comarcas limítrofes. Tampouco podemos obviar a situación estratéxica de que goza Noia desde o ponto de vista xeográfico. Isto, sumado ao senfín de servizos prestados a cotio polo GRUMIR nos concellos colindantes, fai que este servizo de emerxencia sexa fundamental para Noia e comarca; por suposto ubicado onde está actualmente", argumenta o portavoz do Bloque Nacionalista Galego de Noia.

O BNG apela á Dirección Xeral de Emerxencias e Interior e aos responsábeis do Partido Popular "para que, facendo un exercicio de racionalidade e cordura, recapaciten e non despracen o GRUMIR de Noia para o concello de Muros. Finalmente, o BNG de Noia anuncia que se sumará a todos aqueles actos e mobilizacións reivindicativas para que este servizo esencial permaneza no noso concello. Deste xeito apoiará a concentración que está convocada para este vindeiro domingo, 3 de febreiro, ás 13:00 horas, fronte ao concello de Noia".

Onte, en Certo:

• Noia: o goberno local ve "unha aberración calamitosa" que se queira desmontar o Grumir e facelo algo novo en Muros

Pode que tamén lle interese:

• Noia: este venres 1, charla sobre as preferentes na casa da cultura local

• Noia: a remodelación da Chaínza, finalista nos premios do Colexio de Arquitectos de Galicia

• Noia: Tino Poza colga óleos dende este venres 1 de febreiro no Liceo

• Noia: programa de Antroido no Liceo

• Cultura: ata o 19 de abril para presentarse ao certame de relatos "Antón Avilés de Taramancos". Bases.
• 
  

Posted via email from Certo.gl, o xornal dixital de Barbanza e Noia

Ribeira: programa de Entroido, do martes 5 ao mércores 13 de febreiro

A concelleira de Cultura do Concello de Riveira, Elvira Pisos, deu a coñecer esta mañá a programación de Entroido de Ribeira. Secundárona os técnicos municipais Unai González e Segundo Chiki Durán. No acto estivo tamén o presidente da Asociación de Hostalería, Víctor Casais, quen dou a coñecer dúas actividades promovidas por esta nova entidade: por unha parte un concurso de disfraces (cuxas bases se achegan en documento adxunto e están publicadas na páxina web municipal: www.riveira.es) e por outra un concurso de decoración de locais no que poderán participar todos os establecementos interesados (inscricións no Auditorio Municipal, data límite: 7 de febreiro).Tamén servirán aos seus clientes tapas típicas de Entroido.

 

PROGRAMACIÓN XERAL

 

Do 5 ao 8 de Febreiro

 

OBRADOIRO DE COCIÑA E REPOSTERÍA DO ENTROIDO

 

Lugar: Aulas de Servizos Sociais

Datas e horario: Do 5 ao 8 de febreiro de 19:00 a 21:00 h

Destinatarios: Persoas de 16 anos en diante / Mín. 13 – Máx. 25 prazas

Información e inscricións: Do 31 de xaneiro ao 5 de febreiro de 10 a 14 h no Auditorio Municipal de Riveira – Tlf. 981 835650 e culturaefestexos@riveira.com

Publicarase a listaxe de admitidos o 5 de febreiro ás 15 h no Auditorio e web de Riveira. Inscrición de balde

 

VENRES, 8 de Febreiro

 

ANIMACIÓN DAS RÚAS E PRAZAS DA HOSTELERÍA  DE RIVEIRA COA CHARANGA:

 

“OS ARMADANZAS” a partir das 11 da noite

 

SÁBADO, 9 de Febreiro

 

ENTROIDOLANDIA

 

Praza do Concello, de 11:30 a 13:30 e de Ás 16:30 a 19:00 h na Praza do Concello, parque de inchables de saltar, escalar, rampear, pelotear, xogar, bailar, rechinar os pequenos piratas, pallasos, choqueiros, príncipes, patos, galiñas, princesas, soldados, romanos, mariñeiros, astronautas, sereas… e demais personaxes fantásticos e animados!!! Para nenos e nenas. Entrada libre e de balde (en caso de choiva trasladarase ao Pavillón “Santa Uxía” de Coroso, Riveira.

 

ANIMACIÓN DAS RÚAS E PRAZAS DA HOSTELERÍA DE RIVEIRA COA CHARANGA:

 

 “OS ARMADANZAS” a partir das 11 da noite!

 

DOMINGO, 10 de Febreiro

 

CHOQUEIRADA INFANTIL

 

Aviso a todas as máscaras e caretas, choqueiros, príncipes e princesas, demos, elfos, merlíns, piratas, cavernícolas, ratos, gatos, lunnis, gormittis, pallasos, monsters high, bob esponjas e demais seres de fantasía que queiran pasar unha tarde de entroidada.

 

Ás 16:30 h. na Carpa do Entroido (Paseo do Malecón) unha reviravolta de bulicio, algarabía, barafunda e profano divertimento, dará comezo á GRANDE FESTA INFANTIL para os máis cativos, amenizada por animadores de xogos, mascotas, desfile de disfraces con entrega de diplomas, obradoiros variados e moito máis...

 

Entrada libre e de balde. Todos os nenos e nenas deberán ir disfrazados.

 

LUNS, 11 de Febreiro

 

FESTA DA NOITE DE ENTROIDO

 

Música, luces, animación, e baile na Carpa do Entroido, a partir das 12 da noite no Paseo do Malecón. Entrada libre e de balde.

 

ANIMACIÓN DAS RÚAS E PRAZAS DA HOSTELERÍA  DE RIVEIRA COA CHARANGA:

 

“OS TROMPOS DAS  NICRAS” a partir das 12 da noite.

 

MARTES 12 de Febreiro

 

ANIMACIÓN DAS RÚAS E PRAZAS DA HOSTELERÍA DE RIVEIRA CO GRUPO DE GAITAS:

 

 “A GANDAINA DE PALMEIRA” a partir das 11:30 h!

 

FESTIVAL DE MURGAS E COMPARSAS

 

Ás 17:00 h. sairán do Auditorio Municipal as murgas e comparsas do Entroido cara á Praza do Concello, acompañadas no desfile polas charangas “OS ARMADANZAS” de Boiro, “OS TROMPOS DAS NICRAS” de Barbanza e os gaiteiros de “A GANDAINA” de Palmeira, así como un sinfín de personaxes que advertirán ao cidadán dos perigos de andaren a soas polas rúas.

 

As “Murgas Adultas” competirán no festival por un Primeiro Premio de 1.000 €, un Segundo Premio de 500 €, un Terceiro Premio de 350 € e un Premio Local de 350 €, para o que haberá un Xurado Entroido-Profesional composto por seis membros, especialistas en Artes Escénicas, Moda e Vestiario, Música, Maquillaxe e Caracterización, Letra e Rima e a Presidencia que recaerá  nun representante da Área de Cultura e Festexos de Ribeira.

Festival e actuación:  Praza do Concello. Bases en www.riveira.es

Nota: En caso de choiva o festival será trasladado á Carpa do Entroido de Riveira.

 

MÉRCORES 13 de Febreiro

 

ENTERRO DO FELIPE

 

Saída do acompañamento ás 19.30 h, dende o Auditorio Municipal pasando polas rúas da cidade ata chegar á Praza dos Mariñeiros. Ao ritmo da comparsa “O SANTIAGUIÑO” de Padrón. Unha vez enterrado afogaremos todos xuntos as penas na Rúa de Portugal, -e se chove a mares e escacha na rúa será na Carpa do Entroido-, con preñados, orellas e rosquiñas,  todo isto regado co mellor viño de Barrantes e demais bebidas para os padais máis exquisitos.

See the full gallery on Posterous

Bases definitivas concurso disfraces Entroido 2013 Riveira hostaleria.pdf Download this file

Posted via email from Certo.gl, o xornal dixital de Barbanza e Noia

Noia: este venres, 1 de febreiro, charla e coloquio sobre a "estafa das preferentes"

• Organiza o Psoe de Noia, na segunda actividade do foro "Diálogos"
  
• Ás oito da tarde, na casa da cultura "Antón Avilés de Taramancos"

Noia, 31 de xaneiro de 2013. O Portavoz Parlamentario do PSdeG-PSOE, Abel Losada acudirá mañá a Noia para explicar a situación na que se atopan os produtos financieiros (preferentes e subordinadas) que foron suscritos por moitas familias. Será ás oito da tarde, na casa da cultura, como segunda actividade do Foro "Diàlogos" creado polos socialistas noieses para abrir un espacio de diálogo permanente coa cidadanía.

A executiva do PSdeG-PSOE de Noia fundou este espazo informativo e de debate denominado Foro "Diàlogos" como "un espazo útil para os cidadáns, onde se aborden temas de actualidade que poidan ser de interese".

O Foro "Diàlogos" comezou a a súa andaina no pasado mes de xaneiro coa celebración dunha MESA-REDONDA sobre  a nova lei de taxas xudiciais. Neste mes de febreiro (sempre os primeiros venres de cada mes) acudirá a este Foro o economista e deputado autonómico Abel Losada Álvarez, para falar da "estafa das preferentes".

Losada Álvarez é membro do Departamento de Economía da Universidade de Vigo e exerce de Portavoz Parlamentario dos Socialistas Galegos no pazo do Hórreo.

 

No acto os cidadàns poderàn coñecer de primeira man como a situación na que se atopan os productos financieiros coñecidos como preferentes e obrigas subordinadas así como os avances lexislativos e xudiciais sobre este "engano masivo".O PSdeG-PSOE de Noia invita a tódolos cidadáns e aos afectados a acudir a este acto e participar no coloquio que se abrirá ao remate da intervención do ponente.

 

 

#Eleccionesanticipadas Les damos un año para preparar listas abiertas COMPLETAMENTE renovadas, por favor. Esto es insoportable. #Bárcenas

— AnaPardoDeVeraPosada (@PardoDeVera) January 31, 2013

Pues sí que decía en serio Rajoy aquello de "quiero para España lo mismo que ha hecho Camps en Valencia". Trajes incluidos. #RajoyDimisión

— Els quatre gats (@Els_quatre_gats) January 31, 2013

#lospapelesdebárcenas Son el colofón a 1 año d política indecente, mentirosa, cínica, vergonzante como jamás pudo imaginar 1 país. #Bárcenas

— Iñaki Sebastián(@inakisebastian) January 31, 2013

RAJOY: NI UN MINUTO MAS. O se querella si no son ciertas las informaciones o no puede continuar ni un minuto más de Presidente Gobierno.

— Joan Coscubiela (@jcoscu) January 31, 2013

 

 

Posted via email from Certo.gl, o xornal dixital de Barbanza e Noia

Política: Compromiso por Galicia nomeou responsables das secretarías locais da bisbarra de Muros-Noia

• O sábado 2 de febreiro escollen secretari@ comarcal
  

Imaxe de arquivo dunha rolda de prensa de Compromiso por Galicia

Noia, 30 de xaneiro de 2013. Ao longo da pasada fin de semana Compromiso Por Galicia celebrou na comarca de Muros e Noia asembleas para conformar as súas agrupacións das localidades de Noia, Muros, Outes, Lousame e Mazaricos, que agora xa teñen secretarías locais.

En Noia, Xurxo Louro será o encargado de levar as rendas na localidade. Administrativo de profesión, Louro incorporouse ao mundo da política da man de CXG.
En Muros, a concelleira María Sambade será a referente de CXG neste concello. Mestra de profesión, María Sambade incorpórase á política sendo a número 3 da lista encabezada por María Xosé Alfonso, portavoz municipal de CXG nesta localidade.
En Outes, Xosé Manuel Ramos foi elixido o pasado sábado secretario local de Compromiso Por Galicia en Outes. Ocupou o terceiro posto na lista que encabezou Xosé Ramón Riomao (agora portavoz municipal de CXG).
En Lousame, a empresaria Sonia Ares foi elixida o pasado luns como a nova secretaria local de Compromiso Por Galicia. A lousamiana ten un longo percorrido na política municipal deste concello.
En Mazaricos, Xan Ramos será o encargado de levar a secretaría local. O histórico nacionalista será o encargado de tomar as rendas nesta localidade e volver de novo á primeira plana da política.

Unha vez conformadas as localidades, Compromiso Por Galicia inicia esta semana a elección do/a secretario/a comarcal que se elixirá nunha xuntanza aberta, na que poden participar todas aquelas persoas que sigan as liñas galeguista e socialdemócrata que marcou Compromiso Por Galicia o pasado 16 de decembro logo do seu Congreso Constituínte. A xuntanza celebrarase en Outes o vindeiro sábado, 2 de febreiro.

O Consello Europeo mostras a sua preocupación polas presións políticas a RTVEow.ly/hfDkR #sxg

—Sindi Xorna Gal (@Sind_Xor_G) January 30, 2013

España en el número 36 del informe de RSF sobre libertad de prensa, por debajo de Ghana o Surinam. twitter.com/AntonioMaestre…

— Antonio Maestre (@AntonioMaestre) January 30, 2013

Galicia Confidencial: A Mesa denuncia que Feijóo gasta os cartos dos galegos contra a lingua galiciaconfidencial.com/nova/13067.html

— Certo (@Certo) January 30, 2013

¿No canta un huevo que Felipe González sea Con. de Gas Natural y hayan obtenido permiso para almacenamiento de gas en Doñana?

— Miguel Ángel Revilla (@RevillaMiguelA) January 30, 2013

Felipe Gonzalez, si ves q se nos empieza a pasar este atontamiento que se haapoderado d nosotr@s, corre , corre muy lejos

— PepitaladelBarrio (@PepitaldelBarr) January 30, 2013

Posted via email from Certo.gl, o xornal dixital de Barbanza e Noia

Porto do Son: o sábado 9 de febreiro, I Concurso de Filloas e Orellas

Porto do Son: ata o 10 de febreiro, xornadas de portas abertas no Museo do Mar. (Se é que non hai lea antes) mareamuseo.com/?q=node/67

— Certo (@Certo) January 30, 2013

Noia: o grupo de goberno ve "unha aberración calamitosa" que se queira desmantelar o Grumir local e montar un novo e... post.ly/AAGnx

— Certo (@Certo) January 30, 2013

Galicia Confidencial: A Mesa denuncia que Feijóo gasta os cartos dos galegos contra a lingua galiciaconfidencial.com/nova/13067.html

— Certo (@Certo) January 30, 2013

A filla dun bo amigo e o seu mozo de vintetantosmarchan a Londres a buscar a vida. Un pequeno drama que revela unha realidad atroz #fb

— marcos calveiro (@calveiro) January 30, 2013

CAPILLA DE ATALAIA - PORTO DO SON fb.me/1mnFx9NbW

— Casa Da Meixida (@casadameixida) January 29, 2013

Posted via email from Certo.gl, o xornal dixital de Barbanza e Noia

Boiro: o Centro Social de Cabo de Cruz celebra o Antroido e organiza unha exposición en febreiro

Boiro, 30 de xaneiro de 2013. Durante o mes de febreiro, no Centro Social de Cabo de Cruz vanse levar a cabo as seguintes actividades (á parte dos obradoiros anuais, que están na web: cabodecruz.org)

Obradoiro de disfraces: os días 11 e 12 de febreiro destinados a rapaces de 4 a 12 anos. Prazas limitadas. aberto plazo de inscrición.

Baile de disfraces: o día 8 de febreiro, venres, a partir das 20:30h, destinado a maiores de 18 anos.

Asemade, ata fin de mes pode verse a exposición pictórica "Obradoiro", de varios integrantes do Obradoiro de Pintura de Valga.

See the full gallery on Posterous

Posted via email from Certo.gl, o xornal dixital de Barbanza e Noia

Noia: o grupo de goberno ve "unha aberración calamitosa" que se queira desmantelar o Grumir local e montar un novo en Muros

Noia, 30 de xaneiro de 2013. A Dirección Xeral de Emerxencia e Interior, dependente da Consellería de Presidencia da Xunta de Galicia, vén de facer unha proposta de distribución no territorio galego dos Grupos de Emerxencia e Protección Civil (tamén coñecidos como Grumir). Segundo explica o goberno de Noia en nota de prensa "esta proposta da Xunta, de ir adiante, significaría a liquidación do actual Grumir de Noia, que dá servizo  non só a este concello senón aos que integran a comarca de Muros-Noia e incluso outros".

O Grumir de Noia e demais medios e infraestructuras en materia de Protección Civil e Emerxencias, explica o tripartito que goberna Noia, "son froito dunha longa traxectoria de esforzos económicos e humanos por conseguir esta loxística, que se remonta aos anos oitenta do século pasado. O goberno da Xunta, do PP, nun alarde de irracionalidade política pretende trasladar a base deste servizo, agora chamado Grupo de Emerxencia Supramunicipal, para o concello de Muros, concello que non conta coa máis mínima infraestrutura e os seus medios nesta materia son insignificantes. O despropósito sería tal que levaría, nun momento de máxima austeridade, por unha banda, á construcción en Muros dunha nova infraestrutura, con todos os medios, materiais e humanos, requeridos para este fin e pola outra banda, a destruir por abandono, en Noia, unha infraestrutura que conta con todos os medios materiais e humanos: persoas con formación, capacidade e moita experiencia acadada nas inumerábeis intervencións efectuadas na comarca".

ABERRACIÓN CALAMITOSA

Esta modificación, sinala o Concello de Noia, "suporía unha aberración calamitosa se nos axustamos aos criterios de equidistancia e centralidade. Mentres que Noia é o centro xeográfico dunha comarca, Muros atópase na sua periferia. Mírese por onde se mire, non se lle atopa lóxica e sensatez a esta proposta da Xunta de Galicia. Isto lévanos a pensar que o motivo desta decisión  é estritamente político-partidario e, de castigo a un concello rexido por un goberno que non está integrado polo Partido Popular".

QUE SE PRONUNCIE O PP LOCAL

Por último, o grupo de goberno do concello de Noia manifesta "a nosa firme resolución de loitar, con todos os medios ao noso alcance, para que a base do novo Grupo de Emerxencia Supramunicipal se manteña en Noia e, así, evitar esta arbitrariedade contra o noso concello e comarca. Ademais, convidamos ao PP de Noia para que, deixando a un lado sectarismos inúteis, se espelle nos seus compañeiros comarcais e se sume á defensa deste importantísimo servizo para o noso concello e comarca".

Antes, en Certo:

• Noia: a remodelación da Chaínza, finalista nos premios do Colexio de Arquitectos de Galicia

• Noia: programa de Antroido no Liceo

• Noia: Tino Poza colga óleos dende este venres 1 de febreiro no Liceo

• Noia: ata o 19 de abril para presentarse ao certame de relatos "Antón Avilés de Taramancos". Bases.

Posted via email from Certo.gl, o xornal dixital de Barbanza e Noia

Noia: o Colexio de Arquitectos de Galicia declara finalista nos seus premios a obras en Espazos Públicos Abertos a remodelación da Chaínza

• É unha obra que deseñou o estudo Salgado e Liñares, que vai facer tamén a maior praza comercial da vila e xa fora multipremiado tamén en Noia pola súa actuación na Pedrachán
  
• Os premiados daranse a coñecer nunha gala en A Coruña o 14 de febreiro
  

Noia, 29 de xaneiro de 2013. O recoñecemento a obras realizadas en Noia por parte dos arquitectos do estudo Salgado e Liñares suma hoxe un novo éxito. A reintegración urbana do patrimonio cultural da Chaínza vén de ser escollida entre os catro finalistas da XV edición dos premios do Colexio Oficial de Arquitectos de Galicia (COAG), no seu apartado de Espazos Públicos Abertos. O traballo destes arquitectos ten duros competidores na súa sección, xa que se enfrontan a obras de importante fuste en Santiago e Coruña, así como a remodelación dunha praza en Sofán, Carballo.

En outubro de 2010 o mesmo estudo Salgado e Liñares recibira o I Premio de Arquitectura "Manuel Gómez Román"  polo proxecto e dirección da obra "Reintegración urbana do patrimonio cultural da ribeira do Traba-Noia. Acondicionamento, recuperación de accesos, lavadoiro e entorno dos Muíños de Pedrachán". Unha actuación que quedaría, uns meses despois, galardonada en sexto lugar nos prestixiosos premios de arquitectura de Enor (hai que ter en conta que se presentaron 350 proxectos a nivel nacional).

Próxima actuación de Salgado e Liñares: a praza comercial da vila, no Curro

O Partido Popular opúxose no último pleno á actuación que van facer estes mesmos arquitectos na futura praza comercial de Noia, a do Curro: "estamos ante un proxecto pouco clarificador que non define absolutamente nada, nin sequera as cotas, e todo queda supeditado á supervisión da dirección de obra por parte do arquitecto. Segundo ditamine esta dirección así se fará o proxecto, sen que os responsables políticos do mesmo poidan facer as preceptivas labores de previsión e control, polo que se está a incorrer nunha neglixente deixadez de funcións. Na memoria do proxecto tampouco se clarifica como van a ser os accesos tanto ás tendas como á Praza de Abastos". (...)

Os populares desconfían deste multipremiado estudo de arquitectura só polo feito de ser de fóra (do veciño lugar de Bertamiráns): "Tampouco se explica por que se recorreu a un arquitecto de Bertamiráns para redactar este proxecto nin tampouco a remuneración económica que percibiu por facer o seu traballo e quixéramos saber por que este proxecto non se encargou aos técnicos do concello, completamente competentes na materia e que suporían un importante aforro ás arcas municipais. O señor Bieito González que presidiu a comisión informativa do pasado xoves non soubo responder a pregunta do concelleiro delegado do Partido Popular, José Luis Trillo, sobre a remuneración que este arquitecto percibiu pola redacción deste plan. Esperamos que o consultara para hoxe e o clarifique, toda vez que nos parece unha falta de respecto aos contribuíntes desta vila que se encargue un proxecto a un gabinete externo sen saber o que nos vai custar".

O tripartito no goberno (Psoe, Bng e NOIA) aprobaron esta actuación e valoraron como "destrutiva" a postura do PP: "É lamentable a postura destructiva do PP votando en contra dunha obra tan necesaria para a vila. Só pretenden crispar aos futuros afectados desta actuación  e tentando intoxicar coas súas mentiras e falsidades como que non se cambiarán as instalacións, e demostran unha vez máis que non apoian as iniciativas de mellora de Noia".

Se quere ver o antes e o despois do entorno da Chaínza:

Relacionada:

• Obras: converterán á do Curro a principal praza comercial da vila?

Acta_Finalistas_XV_Premio_COAG.pdf Download this file

Posted via email from Certo.gl, o xornal dixital de Barbanza e Noia

Lousame: o colexio "Cernadas de Castro" acolle o mércores 30 de xaneiro actividades de Educación Ambiental

• Adega e a Mancomunidade do Barbanza seguen apostando na súa novena edición polo seu Programa de Educación Ambiental “O Lixo Desde o Teu Concello”

Barbanza é un modelo exemplar de xestión de residuos para Adega

Lousame, 29 de xaneiro de 2013. A pesares da actual situación económica, algunhas entidades seguen apostando pola educación ambiental, ao igual que ADEGA, como unha das ferramentas das que dispoñen as sociedades para avanzar na superación dos graves problemas ambientais que hoxe existen, sendo un deles a xestión dos residuos.

Un bo exemplo a seguir é a Mancomunidade do Barbanza que dende o seu comezo, no ano 2004, deu a coñecer o seu Plano de Residuos á cidadanía, expoñendo as vantaxes dun modelo de xestión que propón a reciclaxe e a compostaxe da materia orgánica e de boa parte do resto dos residuos producidos pola veciñanza. Este ano séguese co programa de concienciación e educación ambiental “O Lixo Desde o Teu Concello”, no que se realizan charlas e obradoiros para incidir nas actitudes e prácticas dos veciños e veciñas –tanto maiores como nenos– para que na súa vida cotiá reduzan e separen ecoloxicamente os residuos en miras de achegarnos a un modelo máis sustentábel na xestión dos refugallos.

ADEGA xa recibiu solicitudes de varios centros escolares da Mancomunidade para participar no programa de educación ambiental. Neste mes de xaneiro vanse realizar actividades con alumnos/as do CPI de Cernadas de Castro. Será mañá, mércores 30 de xaneiro con dous cursos de 1º da E.S.O. En febreiro haberá máis actividades con diferentes centros de ensino dos concellos incluídos na Mancomunidade.

Queres estas actividades no teu centro educativo?

Poden solicitar a participación no Programa os centros de ensino e demais entidades pertencentes a Mancomunidade do Barbanza (Concellos de Muros, Noia, Rois, Porto do Son, Ames, Carnota, Brión, Lousame e Pontecesures). Soamente teñen que enviar a ADEGA a inscrición remitida pola Mancomunidade ou ben directamente poñerse en contacto coa persoa responsable do Programa:

 

Paco Bañobre

Responsable do Programa

“O Lixo desde o teu Concello”

Tfno.: 981 57 00 99 / 619 672 038

e-mail: pacobanhobre@adega.info

Páxina electrónica: www.adega.info

Posted via email from Certo.gl, o xornal dixital de Barbanza e Noia

Noia: programa de Antroido do Liceo

 

Sábado 9 de febreiro.- ás 23:30h, “Noite de Río”, amenizada pola Orquestra “Los Españoles”. Ao longo da noite haberá un sorteo sorpresa entre os disfrazados.

 

Domingo 10 de febreiro.- a partir das 18:00h Festa Infantil de disfraces”, animada por “Brétema”.

 

Martes 12 de febreiro.- a partir das 23:30h, Baile de disfraces coa Orquestra “Charleston Big Band” e con sorteo de lacóns entre os disfrazados.

 

Sábado 16 de febreiro.- Sábado de Piñata, celebran a “Noite Mexicana” coa Orquestra Palladium a partires das 00:00h, e con sorteo de xamóns entre os disfrazados.

Noia: os sábados, do 2 de febreiro ao 23 de marzo, curso de Stop Motion post.ly/A9yG6

— Certo (@Certo) January 28, 2013

Noia: o Liceo acolle dende o venres 1 de febreiro unha mostra de óleos de Tino Poza post.ly/A9y89

— Certo (@Certo) January 28, 2013

Posted via email from Certo.gl, o xornal dixital de Barbanza e Noia

Dodro: cursos de arte floral e relacionados co coidado de persoas dependentes, en febreiro

Dodro, 28 de xaneiro de 2013. A Concellería de Servizos Sociais do Concello de Dodro organiza varios cursos gratuitos que darán comezo o próximo mes de febreiro.

1. Curso de Arte Floral destinado ás persoas maiores de 55 anos do concello. As datas de realización serán os martes do 19 de febreiro ao 12 de marzo ambos incluidos, de 19h a 21h no local municipal do Centro de Día.

As prazas son limitadas por rigurosa orde de inscrición que deberá realizarse do 4 ao 15 de febreiro no departamento de servizos sociais municipal.

Por outra banda, para axudar na formación e búsqueda de emprego dos veciños/as do concello, esta concellería organiza dous cursos formativos subvencionados pola Deputación de A Coruña, dirixido a coidadores/as de persoas dependentes e válidos para a obtención do certificado de profesionalidade:

1. Interrelación e comunicación coa persoa dependente e o seu entorno, cunha duración de 40 horas, do 16 de febreiro ao 7 de marzo.
2. Apoio nas xestións cotiás das persoas dependentes, cunha duración de 40 horas do 8 ao 27 de marzo.

Ambos cursos impartiránse nas aulas da Paxareira de luns a venres de 20,30h a 22,30h e os sábados de 9h a 13h. As prazas son limitadas e teñen preferencia os/as coidadores/as de persoas dependentes do Concello de Dodro. Poden realizarse as inscricións do 4 ao 15 de febreiro no departamento de Servizos Sociais.

cartel cursos dependencia 2013.pdf Download this file

cartel ARTE FLORAL.pdf Download this file

Posted via email from Certo.gl, o xornal dixital de Barbanza e Noia

Ribeira: funcionan xa os contedores soterrados da praza do Mercado en Palmeira

• A inversión ascendeu a 54.000 euros para os seis contedores
  

Ribeira: "Stop Desafiuzamentos" constata un aumento do drama das execucións hipotecarias neste municipio post.ly/A9yPt

— Certo (@Certo) January 28, 2013

Ribeira, 28 de xaneiro de 2013.- O Concello informa da entrada en funcionamento dos seis contedores soterrados dispostos na praza do mercado municipal de Palmeira    -no corazón comercial da parroquia- tras a realización dunha actuación que supuxo un investimento de 53.979,15 euros.

Os colectores prestarán servizo tanto aos vendedores e usuarios da instalación municipal como aos veciños da rúa da Canle e os seus arredores. Os contedores de superficie existentes no entorno serán retirados.

Na esplanada dispuxéronse dous contedores para residuos orgánicos, outros dous para plásticos, bricks e latas; un para vidro e outro para papel e cartón. A empresa Lisardo Inversiones, S.L., foi a encargada de executar a instalación.

A edil de Palmeira Maricarmen Vizcaya e os concelleiros de Consumo e Benestar Comunitario, Vicente Mariño e Antonio Freire, acudiron esta mañá ao mercado para supervisar que todo funcionase correctamente.

 

See the full gallery on Posterous

Posted via email from Certo.gl, o xornal dixital de Barbanza e Noia

Rianxo: o Concello súmase aos municipios que recollen aceite usado para reciclalo

• Xa está asinado o convenio de recollida coa empresa "Compostela Inserta Empresa de Inserción Laboral", promovida pola asociación Plataforma polo Emprego
• Ata agora só se recollía aceite doméstico usado no punto limpo
  
• O acordo realízase para dar cumprimento ás obrigas de tratamento de residuos segundo o establecido na Ley 22/2011 de 28 de julio de residuos y suelos contaminados e o recollido na Directiva 2008/98/CE del Parlamento Europeo y del Consejo, así como na Lei 10/2008 de residuos de Galicia.

Rianxo, 28 de xaneiro de 2013. O Concello de Rianxo, segundo explica hoxe en nota de prensa, quere ampliar os obxectivos da campaña de recollida selectiva a todo tipo de residuos, incluídos os aceites vexetais usados, de todo o termo municipal do concello para a súa posterior reciclaxe, evitando desta forma que estes residuos sexan vertidos xunto co resto das augas domésticas, co conseguinte aumento da contaminación das augas. Na actualidade só se está a recoller o aceite doméstico no punto limpo polo que se pretende dar todas as facilidades á veciñanza para colaborar na eliminación de aceite.

Campaña de sensibilización

O Concello de Rianxo comezará a dar forma a este convenio cunha campaña instalando en centros socioculturais, escolas e colexios uns recipientes de recollida, onde a veciñanza poida depositar os restos das súas frixiduras domésticas. Cando o recipiente estea completo a empresa encargarase inmediatamente de recollelo e susbstituílo. Nos vindeiros días editarase un bando cos lugares sinalados e a súa posta en servizo co obxecto de concienciar a veciños/as, que o servizo que pretendemos realizar vai en beneficio da saúde de toda a veciñanza do municipio e da súa propia.

Nun segundo momento redactará e asinará unha carta de presentación dirixida aos establecementos de restauración, e realizará unha campaña que expresará o interese por parte desa Corporación na recollida deste tipo de aceites por parte de Compostela Inserta Empresa de Inserción Laboral, S.L., co fin de mellorar as condicións medioambientais co reciclado deste tipo de residuos.

Antes, en Certo:

• Rianxo: Axóuxere acubillará na súa residencia a 3 escritores de febreiro a abril

• Rianxo: escribes ou es artista? Axóuxere convoca residencia de verán 2013. Envía a túa proposta!

Posted via email from Certo.gl, o xornal dixital de Barbanza e Noia

Ribeira: "Stop Desafiuzamentos" constata un aumento do drama das execucións hipotecarias neste municipio

Ribeira, 28 de xaneiro de 2013. Segundo fixo saber onte nun comunicado a plataforma "Stop Desafiuzamentos" da Barbanza, o drama das execucións hipotecarias continúa. Desta volta cébase en varias familias das parroquias de Ribeira, que pediron axuda legal a esta plataforma para poder facer fronte a posibles desafiuzamentos e perdas da vivenda habitual.

  COMUNICADO PÚBLICO DE "STOP DESAHUCIOS"

 
  Esta pasada semana se ha incrementado el trabajo de los miembros de la Plataforma de "Stop Desahucios" del Barbanza. Concretamente con la aparición de varias familias afectadas por deudas y ejecuciones hipotecarias en varias parroquias del municipio de Riveira. Uno  de estos casos es una familia rseidente en el casco urbano de Riveira, por una ejecución hipotecaria, que ya se ha solicitado su el plazamiento del desahucio y la moratoria por estar incluída, la familia, y cumplir con los requisitos de las medidas urgentes para reforzar la protección a los deudores hipotecarios, del Real Decreto Ley 27/2012. La otra familia afectada, es residente también en el caso urbano de la capital del Barbanza, y su caso es por un desahucio por un impago de la renta de alquiler de su vivienda habitual y se ha conseguido suspender la vista oral, por la falta de comunicación expresa del derecho a la justicia gratuita. 
 
 Por otra parte en el caso de las otras familias, son de las parroquias de Carreira, Olveira y Corrubedo y todas ellas están en situación de adeudos de cuotas y pendientes de que se interpongan las correspondientes ejecuciones hipotecarias, por eso ya se están negociando con las entidades financieras de Caja España, Novagalicia Banco y el Banco de Santander las moratoiras correspondientes así como la novación de algunas de esas hipotecas, evitando así los posibles desahucios.
 
 El portavoz de la Plataforma "Stop Desahucios" del Barbanza, José Manuel Pena, agradece la colaboración de varios despachos profesionales de abogados de la Comarca del Barbanza que se han brindado a colaborar y formar parte de la Plataforma, asesorando y defendiendo, en caso necesario, a todas estas familias afectadas por ejecuciones hipotecarias. 
 
  Por otra parte esta próxima semana, varios miembros de la Plataforma  "Stop Desahucios", mantendrán un encuentro con el Concejal de Servicios Sociales del Ayuntamiento de Ribeira para tratar de que el concello de Ribeira colabore, de una manera más efectiva, con todas estas familias que ya no solo viven problemas con sus viviendas sino que carecen de trabajo y de lo más esencial para poder vivir con un mínimo de dignidad.

VIVIENDA OCUPADA POR HUÉRFANAS
 
  Asimismo este pasado viernes, miembros de la Plataforma, recibieron una llamada de teléfono de dos niñas huérfanas de la localidad de Narón, que estaban sin trabajo y no tenían posibles para pagar el alquiler de la vivienda y optaron por ocupar una vivienda vacía, que había sido embargada por una entidad funanciera, había escasas fechas. El portavoz de la Plataforma, se puso en contacto con los compañeros de Ferrol y este lunes varios miembros acudirán, con estas dos hermanas, al Ayuntamiento para que sean realojadas en una vivienda pública.
 
  Plataforma "Stop Desahucios" Barbanza 

Posted via email from Certo.gl, o xornal dixital de Barbanza e Noia

Colaboración: "A música do purgatorio", por Javier Ferreirós

Veume á memoria o outro día: no verán de 1994, un hospital do Reino Unido retirara da súa emisora privada a canción “My Way”, na versión de Sinatra, por respecto ós enfermos terminais. Ó pouco tempo algúns deses enfermos, os que aínda podían alzar a voz, reclamaron que a volveran poñer, e tal cousa fixeron os responsables do hospital.

A letra da canción di o seguinte: “E agora, a fin está cerca...”, e o narrador continúa repasando os seus erros e as dificultades polas que pasou na vida, para reafirmarse no retrouso dicindo aquilo de “pero fíxeno ó meu xeito”, como a min me petou. Manténdome firme. Fai balance e chega á conclusión de que pagou a pena. Está listo para enfrontarse ó abismo. Ó escoitala na voz de Sinatra, sabemos o que sospeitabamos pola letra: o protagonista é un home descrido, apegado á terra, desenganado e curtido, que sabe que ó morrer todo rematou.

O Purgatorio. Ilustración de Blake para "A Divina Comedia"

En A Divina Comedia non todos os pecadores merecen o inferno; os sete pecados capitais pódense limpar se te arrepentiches en vida, aínda que fora a última hora. Os que no mundo foron soberbios, envexosos, iracundos, preguiceiros, avariciosos, lambóns ou luxuriosos poden ter unha segunda oportunidade, e son situados por Dante nas diversas terrazas do Purgatorio, un monte que acolle no cumio o Xardín do Edén. O Purgatorio é un continuo recital, e os penitentes, namentres limpan as súas culpas, cantan xuntos en perfecta harmonía. Así, no recinto da soberbia o poeta escoita voces cantando “Beati pauperes spiritu”, “de tal xeito que non podería expresarse con palabras” (Purgatorio, Canto XII); onde os envexosos, Dante o Peregrino escoita cantar tras del, mentres avanza, “Alédate ti que vences” (Canto XV); un grupo de iracundos entoan o “Agnus Dei” e así van “desatando o nó da ira”, di Virxilio (Canto XVI).

Dante tivo que dotar a súa fermosísima alegoría dunha arquitectura, semellante á  das catedrais que vía construír nas cidades polas que pasaba no seu exilio, exilio ó que se lle condenou por vivir ó seu xeito, como a el lle petou, por manterse firme. Como todo home curtido, sabía que todos somos soberbios, envexosos, iracundos, preguiceiros, avariciosos, lambóns e luxuriosos varias veces ó día. El mesmo confesa unha leve falta, por envexa, aínda que di temer máis a condena por soberbia (Canto XIII), tal vez porque se sabe un xenio poético. Pero para o home medieval cabía arrepentirse antes de morrer, purgar os pecados no outro mundo e finalmente chegar ó Ceo: quedaba a esperanza trala morte. Que lle queda ó home moderno? A nada, e despois desa nada, nada outra vez. Non cabe arrepentirse, porque seguramente non hai Ninguén escoitando, nin con poder de salvarnos; seguramente non hai salvación posible... pero tampouco condena.

O único purgatorio é o da nosa conciencia. E así aqueles enfermos terminais do hospital inglés cantaban como as almas do Purgatorio de Dante, harmonizando a súa voz interior coa voz de Frankie Ollos Azuis, curtida por unha eternidade de noites. E esa é entón a única Eternidade posible. Cantarían, moitas veces, sen ningunha esperanza nun Paraíso, só para dicirse que viviran ó seu xeito e perdoárense a eles mesmos. Enfrontándose ó abismo final sen promesas vacuas. Con auténtica valentía. Con un último pulo de sangue quente no seus corazóns.“Para que é un home, que é o que ten? Ou a si mesmo, ou nada; poder dicir as cousas que sinte de verdade, e non as palabras dun que se pon de xeonllos; polo dito quedou claro que encaixei os golpes, e fíxeno ó meu xeito. Si, foi ó meu xeito”.

https://www.youtube.com/watch?v=6E2hYDIFDIU

Anterior artigo:

•  "Non vaias a Malta"

Músico e historiador
Serie exclusiva para Certo coa análise

dos principais discos da música mundial
"Música por dentro"

Posted via email from Certo.gl, o xornal dixital de Barbanza e Noia

Noia: os sábados, do 2 de febreiro ao 23 de marzo, curso de Stop Motion

CURSO Stop Motion.pdf Download this file

• En horario de 11 a 14 horas
• Impartido por Manuel Silva, un dos que traballou na película "O Apóstolo", na academia Davinci
  

 
Noia, 28 de xaneiro de 2013. Este sábado, 2 de febreiro, ás 11:00 terá lugar a presentación do curso de STOP MOTION, impartido por Manuel Silva nas instalacións da Academia Davinci, situada en R/ Pintor Xenaro Carrero, 26, Baixo en Noia.
 
O obxetivo deste curso é dar formación en técnicas necesarias para a construcción de personaxes e decorados, así como os medios para realizar unha animación stop motion.  Os destinatarios serían aquelas persoas, que sen posuír necesariamente coñecementos previos, estean interesadas en aprender as técnicas para a realización dunha peza de animación.
 
O curso será impartido durante oito sábados en horario de 11h a 14h, a partires do mesmo sábado 2 de febreiro e ata o sábado 23 de marzo.
 
Manuel Silva posue unha ampla experiencia nesta materia, donde destaca o traballo de modelado e postproducción realizado na curtametraxe “Leo” e o traballo de modelado de personaxes para a longametraxe “O Apóstolo”.

Posted via email from Certo.gl, o xornal dixital de Barbanza e Noia

Boiro: o I festival de música tradicional "Fiadeira" será o domingo 10 de marzo en Cabo de Cruz

 

Boiro, 28 de xaneiro de 2013. O vindeiro domingo día 10 de Marzo ás 18:00 horas terá lugar no Centro Social de Cabo de Cruz o I Festival de música tradicional 'Fiadeira'.

 

A Asociación Cultural Fiadeira de Cabo de Cruz organiza esta cita de música tracidional que se fará por vez primeira nesta vila. O evento terá lugar no Centro Social de dita vila ás 18:00h e nel actuarán varios grupos do folclore galego da zona. Algúns aínda están por confirmar, pero entre eles xa se poden destacar o grupo de pandereteiras 'Fiadeira', o grupo de gaitas tradicional 'Ao cabo nunca é tarde', o grupo de música tradicional 'Trécola' e o grupo de pandereteiras 'O Aquel de Aquelar'. Durante o transcurso do festival, levaráse a cabo o sorteo dunha cea para 4 persoas na Taberna Abadía de San Enrique, doada por dito establecemento.

Antes, en Certo:

• Boiro: espallan pouco a pouco o legado do intelectual galeguista García Romero

• Colaboración: Celestino García Romero, orgullo de Boiro en Comoxo. Por Ramón Torrado

Posted via email from Certo.gl, o xornal dixital de Barbanza e Noia

Noia: o Liceo acolle dende o venres 1 de febreiro unha mostra de óleos de Tino Poza

• A inauguración terá lugar ás 20:00 horas na sala Francisco Creo da Sociedade Liceo
• A mostra titúlase "Soños de esencia de café ao óleo IV"
• Se quere información sobre Tino Poza: http://arga.es/gl/artistas/tino-poza/
  

Posted via email from Certo.gl, o xornal dixital de Barbanza e Noia

Colaboración: Celestino García Romero, orgullo de Boiro en Comoxo. Por Ramón Torrado

Os homes e as mulleres de Comoxo, poboación situada a cinco minutos de Boiro en coche, lograron facer realidade o proxecto de ter un centro etnográfico propio. Un acto para honrar a un persoeiro destacado que naceu alí en Comoxo en 1855 e faleceu en Compostela en 1929. Un galego importante, e bastante descoñecido, levou ao novo centro no venres 25 de xaneiro do 2013 a xente de tódalas idades que se interesaron por unha das claves do seu pasado.

O acto, organizado por María Luísa López da Asociación O Faiado 2 boirense, contou coa presenza de dous sobriños-bisnetos do homenaxeado, Manuel Antonio e Xosé Antón (a un terceiro irmán, Pablo, director deste xornal Certo, non lle foi posible acudir). Foi Xosé Antón onio o primeiro en intervir na presentación.

Pero antes houbo un detalle salientable. Apareceu e foi posta na parede unha obra do pintor local José Silva. Trátase dun elegante retrato en brancos, negros e grises do homenaxeado, un home de boca ancha e lentes ovalados cunha grande fronte de pensador. A figura atrae admiración e respecto, pero podería tamén concitar cariño?

Foise desvelando diante de nós a persoa e a obra de Celestino García Romero. Xosé Antón destacou a preocupación deste crego xesuíta pola capela de Comoxo, polas xentes do agro e polo mundo das letras. Chegou a ser membro da Real Academia Galega, contribuíndo artigos no boletín oficial desta institución. Nun deles, publicou o que é ó parecer o primeiro escrito sobre a serra de Barbanza.

A etnógrafa María Luísa López fixo unha relación dos méritos de Celestino. Discípulo e amigo do erudito de Vedra Antonio López Ferreiro, el tamén se interesou en profundidade pola arqueoloxía, a historia e a lingua galega. Era políglota e confesaba aos estranxeiros na Catedral. No campo do galego, tivo unha idea moi orixinal: ía por exemplo ó cemiterio de Queiruga e estudaba con atención os epígrafes máis antigos nas lápidas e a continuación, como experto latinista, analizaba a desviación no “castrapo” que facían os escultores sen estudos ó mesturar a lingua galega coa latina. Aprendía, xa que logo, dos erros.

Tivo destinos en varios puntos da xeografía española: en Palencia, en Manresa, en Tui e na Coruña. Na cidade herculina entrou en contacto con destacados galeguistas da Cova Céltica e iso incrementou o seu achegamento ó galego.

Co noso idioma propio, Celestino creou obras de teatro – “A señá Tiburcia”, “Inferno e Gloria” – contos, poemas e estudos. Sería bo ter unha recompilación dos seus escritos, como o moi chamador artigo titulado “Sobor do antigo linguaxe do pobo galego”.

Con moito encanto, a concelleira boirense Cornelia Ces fixo presente a Celestino lendo un conto seu chamado “Os Reis en Comoxo”. Nel, sen resultar condescendente, o autor enxerga un relato de Nadal delicioso, cun forte compoñente gastronómico, que tivo a virtude de arrancar risos e sorrisos dos asistentes.

Tamén engadiu, por certo, as letras a unha panxoliña con música de Luis Taibo e Santiago Tafall. Non é seguro que sexa o autor do texto dunha peza chamada “Canta, rapaziña”.

Por último, houbo outra faceta de Celestino que non deixa de causar afecto e sintonía. O amor pola súa terra natal fixo que el contemplara unha serie de proxectos para mellorar a economía dos seus paisanos. Son ideas que igual aínda son factibles na actualidade; a saber:

• facer un criadeiro de galiñas
• montar unha fábrica de fertilizantes
• montar unha fábrica de leite para facer manteiga e queixo
• asegurar o gando e intentar mellorar a raza
• fabricar con xestas vasoiras de calidade
• crear un sindicato de labregos
• facer unha escola para a formación de oficios
• fabricar alcol con palla de millo

Son propostas dun visionario, dun home que, segundo repetiu para rematar o acto o alcalde de Boiro Juan José Dieste, tiña unha intelixencia exuberante. Dieste recalcou que Celestino García Romero é unha fonte de lexítimo orgullo para Comoxo e para Boiro, onde anunciou que se lle dará o seu nome a unha rúa, como corresponde a un boirense tan ilustre.

See the full gallery on Posterous

Posted via email from Certo.gl, o xornal dixital de Barbanza e Noia

Cultura: "O Faiado 2" divulga a obra do galeguista Celestino García Romero, natural de Comoxo, en Boiro

• Nado en 1855 e falecido en 1929, escribiu en galego poemas e obras de teatro e mesmo difundía a nosa lingua propia entre os nenos con contos de temática relixiosa
  
• Foi o primeiro en estudar restos arqueolóxicos da zona de Barbanza e dar conta deles á Real Academia Galega, da que era correspondente
• No acto celebrado o venres 25 de xaneiro no centro etnográfico de Comoxo o alcalde comprometeuse a darlle o seu nome a unha rúa de Boiro
• O seu sobriño-neto José Antonio García Dieste, un dos impulsores da difusión da súa obra, pediu tamén que se lle dese o seu nome ao Centro Etnográfico de Comoxo, pois García Romero preocupábase polos asuntos do campo e do monte, chegando a manter correspondencia con enxeñeiros de montes daquela época, como Rafael Areses, o que reforestou o Monte Aloia
  

Boiro, 27 de xaneiro de 2013. O Centro Etnográfico da comunidade de montes de Comoxo estivo ateigado o pasado venres 25 para homenaxear ao seu egrexio veciño Celestino García Romero, intelectual falecido hai 84 anos (un 18 de xaneiro, en Santiago). Máis dun cento de persoas puideron escoitar aos poñentes da mesa redonda que se programou arredor da súa figura, entre os que figuraban a presidenta da asociación etnográfica O Faiado 2, María Luísa López; o profesor José Antonio Santiago García, sobriño neto do homenaxeado; o presidente da comunidade de montes de Comoxo, Santiago Lojo; a concelleira de Turismo boirense, Cornelia Ces e incluso o alcalde de Boiro, o popular Juan José Dieste. Tamén ía asistir o teólogo Andrés Torres Queiruga, que prologou a edición de "Inferno e gloria", obra de teatro que resgatou no ano 2000 a editorial relixiosa Sept. No seu lugar acudeu o tamén aguiñense Unai González, presidente da asociación "Francisco Lorenzo Mariño".

Casa natal do intelectual galeguista Celestino García Romero

Escudo na casa de Quintenla

Luisa López presentou as publicacións que hai ata agora sobre García Romero -o historiador Fernando Acuña Castroviejo publicou sobre el unha obra en 2005- e comentou o seu legado sobre un pequeno vídeo cos principais elementos do patrimonio etnográfico de Comoxo, dende a casa onde naceu o homenaxeado, cruceiros ou a casa do escudo de Quintenla, cun monumental pombal abandonado.
A concelleira de Turismo, Cornelia Ces, leu o conto "Os Reis en Comoxo", redactado para nenos da catequese no que se dá conta tamén de como se vivía na zona a finais do século XIX.

Tamén se aproveitou para inaugurar no centro etnográfico unha colección con 30 imaxes antigas de Comoxo recollidas por Carlos Piñeiro nesta aldea que figura recollida por primeira vez nos papeis do Tombo de Toxos Outos en 1161 e que se sospeita pode ter importantes restos arqueolóxicos sen escavar arredor da súa capela.

Biografía en Barbantia de García Romero

Xesuíta dende 1880, os seus votos definitivos fíxoos o 2 de febreiro de 1892. Foi poeta en latín, castelán e galego. O seu poema galego máis coñecido é o “Canto a Galicia”, publicado en 1929 e traducido ao italiano. Escribiu as pezas teatrais Santa liberata, drama histórico e a comedia A señá Tiburcia (estreada polo Colexio de Orfas de Santiago, 1920), así como moitos poemas e contos en galego para rapaces, ao que habería que engadir algúns traballos arqueolóxicos. Entre os seus contos para rapaces poden citarse “Un milagre do santo apostol”, publicado na revista <Catecismo de niños y niñas> de Santiago de Compostela, “Os Reis en Comoso”, en <El catecismo de Santiago>, “Santiago de rapaz” e “No portal de Belén” na mesma revista, “Antano” na compostelana <El Catecismo de San Martín>, “Ninguén veu do inferno” e “A festa do Nadal” en <Catecismo de Compostela>.

Entre os seus poemas para rapaces poden citarse “O Sol”, “Os paxaros”, “As anduriñas”, “Ao meu neno” e “Un xastre”, todos eles publicados en <Catecismo de niños y niñas>. Aínda publicou outros relatos como “Non ten volta”, “Ninguén pode coma Dios”, “Sólo Dios, soliño”, “O neno Xesús” e “Señores tan sabios”.

Entre os seus traballos ensaísticos en castelán pode citarse “Un templo primitivo en el Coto de Amoreira”, publicado no <Boletín de la Real Academia Gallega> (nº 145, 1922), “Una estación romana desconocida” (Ibid., III), “Las lápidas romanas de Ciudadela” (Ibid., III, VII, VIII), “Memorias romanas de Cuntis” (Ibid., IX, X, XII), “Un libro de Galicia y un escritor gallego” (Ibid., XIV), “De re epigrafica. Inscripciones en las iglesias de Padrón y Pastoriza” (Ibid., XIV) e “Galicia y las Islas Británicas en tiempos remotísimos” (Ibid., XV).

No ano 2000 a editorial relixiosa Sept de Vigo publicou o seu ensaio teolóxico Inferno e gloria. Trátase dunha edición facsímile do manuscrito, que ten o mérito de ser o primeiro tratado teolóxico escrito en lingua galega. Con introducións de Xesús Ferro Ruibal, Xosé Antonio Santiago García e Andrés Torres Queiruga. Sábese que deixou inéditas as obras “Las lámparas del Apóstol” e un interesante ensaio lingüístico titulado “Sobor do antiguo linguaxe do pobo gallego”, obra que se atopaba en mans de César Vaamonde Lores xa en vida do autor.

García Romero foi tamén poeta ocasional en latín e castelán, ademais de publicar algúns traballos ensaísticos en lingua galega, coma os titulados “As reliquias de Sant Yago” (<El Eco Franciscano>, nº 643, 1920), “Un ourensán que n’e de esquencer” (<Boletín de la Comisión Provincial de Monumentos Históricos y Artísticos de Orense>, V) e “Defensa do protohistorismo do idioma gallego”. Colaborou con ensaios en castelán no <Diario de Galicia> e en <Ultreya>.

Correspondencia

García Romero tivo unha intensa actividade epistolar con eminentes historiadores coetáneos seus, como César Vaamonde Lores, cos que consultaba dúbidas sobre inscricións e achados arqueolóxicos. Tamén lle preocupaban asuntos terrenais como os problemas do campo ou das explotacións forestais. Entre as súas ideas estaba a de formar unha gran cooperativa para explotar cítricos no val do Coroño e mesmo fabricar as caixas de madeira para a súa exportación. No eido forestal tivo correspondencia co enxeñeiro de montes Rafael Areses Vidal, o que se encargou de reforestar e ordenar o Monte Aloia, que foi o primeiro parque natural galego recoñecido.

See the full gallery on Posterous

Posted via email from Certo.gl, o xornal dixital de Barbanza e Noia