Noia: unanimidade no pleno para ceder unha parcela ao IGVS, na que deben construír vivendas de promoción pública

• Está no barrio de San Lázaro e ocupa 660 metros cadrados
• Poderanse facer baixo e catro alturas, con planta baixo cuberta
• Deben estar feitas ou comezadas as obras antes de cinco anos. E deben seguir como vivendas de protección pública durante 30 anos
  

Noia, 30 de xullo de 2011. O Pleno ordinario do Concello de Noia, aprobou onte venres, día 29 de xullo, a cesión gratuíta dunha parcela de titularidade municipal ao Instituto Galego de Vivenda e Solo, a fin de que este organismo autónomo constrúa na mesma vivendas de promoción pública.

         A parcela en cuestión ubícase no barrio de San Lázaro, dentro do ámbito da unidade de actuación número 3 e conta coas seguintes características:

    * superficie da parcela: 660 m2
    * ocupación: 561 m2
    * edificabilidade: 3.597 m2
    * valoración: 776.952,00 euros
    * tipo de solo: urbano intensivo
    * alturas: planta baixa+4 alturas+planta baixo cuberta

A cesión en cuestión está sometida, entre outras, ás seguintes condicións:

   1. Que os fins para os cales se cede se cumpran no prazo máximo de cinco anos.
   2. Que o seu destino se manteña durante os trinta anos seguintes.
   3. Se transcorridos un ou outro prazo non se cumpriran as anteriores condicións o ben de referencia revertería automaticamente de pleno dereito ao patrimonio deste municipio coas súas pertenenzas a accesións.
   4. Considerando o disposto no artigo 23 do Decreto 253/2007, do 13 de febreiro, de réxime xurídico do solo das edificacións promovidas polo Instituto Galego de Vivenda e Solo a entrega ao Concello de Noia polo IGVS, mediante cesións gratuíta, do 10% das parcelas resultantes ou da superficie útil construída.

Vivendas de promoción pública son aquelas que constrúe de xeito directo a Administración, e logo dun proceso reglado, as adxudica aos seus solicitantes.

Segundo indicou, no transcurso do Pleno, o concelleiro-delegado de Urbanismo, Bieito González, este luns solicitará unha entrevista co presidente do Instituto Galego de Vivenda e Solo a fin de darlle traslado do mentado acordo e encetar o proceso de negociación necesario para que o mesmo se poida materializar.

Posted via email from Certo.gl, o xornal dixital de Barbanza e Noia

Noia: están a descubrir en Taramancos un vello castro, que podería ter elementos romanos

Noia, 29 de xullo de 2011. Os primeiros traballos da escavación arqueolóxica que se está a levar a cabo en Taramancos, na zona onde vai ir parte da estrada que levará á nova ponte sobre a Ría de Noia, xa revelan datos ben interesantes.

O castro está situado a uns 300 metros da Ría de Noia, na zona de Taramancos

Na imaxe superior, os anacos alaranxados correspóndense con restos de tegula romana (tella). Segundo os arqueólogos que alí traballan, podería indicar que un dos estratos temporais atopados en Taramancos é da época romana, aínda que é probable que se superpoñan distintas épocas.

De confirmarse esta orixe romana -algo aventurado polo de agora, pois están nos inicios dos traballos e teñen para dúas semanas máis polo menos- tería moita importancia histórica para un municipio como Noia, na que apenas se atopan vestixios de orixe romana no casco chamado histórico. Case non se recollen nos escritores romanos Plinio, Pomponio Mela ou Antonino referencia algunha a Noia: os únicos recollidos nas últimas investigacións realizadas ao respecto refírense a uns pequenos restos de cerámica de orixe romana durante a rehabilitación dun edificio en Montero Ríos (a antiga drogueria de Molina), e algún resto menor na rehabilitación do edificio de Caixagalicia na Porta da Vila.

O eclesiástico, arqueólogo e historiador noiés Eladio Oviedo Arce referiuse no seu día a  importantes restos de orixe romana na Barquiña, pero non semella moi acreditado, e incluso algo esaxerado na súa descrición (Oviedo Arce foi un dos primeiros en liarse a manta á cabeza para declarar a Colón galego, como se pode ler no Boletín da Real Academia Galega).

O que tamén resulta moi importante son os depósitos de cunchas aparecidos, especialmente  cargados de ostras, berberechos e algo de ameixa, igualiño que noutros castros da contorna, como o de Neixón en Boiro ou o de Baroña en Porto do Son. Hai algunhas estruturas que están a chamar moito a atención aos arqueólogos, e non sería de estranar que nos desen unha grata sorpresa este verán.

De todos xeitos, os arqueólogos están a comunicar os seus descubrementos á Dirección Xeral de Patrimonio e, se fora un país normal, procuraríase escavar o castro en toda a súa extensión, aínda que houbese que paralizar a obra da ponte sobre a Ría. Se puidemos estar dous milenios sen ela, por uns aniños máis non nos ía pasar nada. Hai unha arqueóloga que está a recabar lendas de Noia e en Taramancos escoitoulle a un par de vellas unha cantadela na que se fala dunha cidade asulagada na que se agocharía ouro para o que a conseguise desencantar. E ese desencantador tamén acadaría o posto de rei. Coincidencias? Lean a serie  "Tras o ouro dos mouros" de Capítulo 0, do xornalista e afeccionado avanzado á arqueoloxía Manuel Gago, e logo boten contas. Pode que unha das partes máis interesantes da nosa historia, da historia de Galicia, estea aínda por contar.  

Posted via email from Certo.gl, o xornal dixital de Barbanza e Noia

Porto do Son: Feira Celta esta fin de semana, do 29 ao 31 de xullo

Posted via email from Certo.gl, o xornal dixital de Barbanza e Noia

A Pobra: Novas Xeracións levou a medio cento de mozos a Caldas de Reis a unha partida de paintball

A Pobra, 29 de xullo de 2011. Hoxe mesmo, ao longo do día, tivo lugar unha partida de paintball no Campo do Lobo, no concello pontevedrés de Caldas de Reis, na que participaron máis de medio cento de mozos da Pobra. A excursión estivo organizada por Novas Xeracións pobrenses.

Os mozos do PP, con Eloy Sobrido á cabeza como presidente, agradecen a todos os participantes a colaboración na actividade, e comprométense a repetila, xa que lles quedou moi bo sabor de boca. Con esta segunda actividade rematan as do mes de xullo, e agardan ao de setembro para organizar novas iniciativas, nas que contan con xuntar a tantos ou máis mozos como nestas.

Antes, en Certo:

Viaxe a Cerceda: organizada por NN.GG do PP o pasado 26 de xullo

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: Palmeira terá mercadillo cada venres con medio cento de postos

• Agardan que o primeiro sexa xa o venres 5 de agosto
• Irá no exterior da praza de abastos de Palmeira
  

Ribeira, 29 de xullo de 2010.- Palmeira contará a partir do vindeiro venres cun mercadillo ambulante. Así o anunciou hoxe o concelleiro que ten as competencias de Consumo, Vicente García de Bricio, no lugar onde se emprazará a iniciativa, concretamente na zona exterior da praza de abastos da parroquia. 

Mariño de Bricio, que estivo acompañado dos concelleiros naturais de Palmeira Mª Carmen Vizcaya Sampedro e Emilio Pérez Outeiral, xustificou esta acción como unha medida para dinamizar a actividade comercial da parroquia, que nace a instancias precisamente dos propios comerciantes do pobo e moi especialmente dos que operan no mercado de abastos. “Fai máis ou menos un mes, os comerciantes de Palmeira subliñáronme a necesidade de reactivar o seu movemento comercial –afirmou- e o Concello púxose inmediatamente mans a obra para buscar a forma de facelo”. 

O mercadillo terá lugar todos os venres pola mañá e a intención do concelleiro de Mercados e que se inicie xa o próximo 5 de agosto. O Executivo calcula que haberá uns 50 postos, cifra que podería irse aumentando en función da demanda. Terán cabida os xéneros e materias propias de calquera mercadillo convencional: froitas, flores, téxtil, etc... 

Tramitación

O Concello xa dispón dunha lista de interesados en participar e mañá entregaráselle aos responsables de todos os postos do mercado de Riveira unha circular informativa desta nova acción. A este respecto, Vicente Mariño recordou que aqueles que xa dispoñan dalgún posto no mercado de Riveira unicamente deberán abonar a preceptiva taxa pola ocupación do solo, pero non a derivada de expedir o carné de vendedor, que xa teñen. 

Mariño de Bricio fixo un chamamento a aqueles comerciantes que queiran formar parte do mercadillo para que acudan á Casa Consistorial a partir do próximo luns a efectos de realizar as tramitacións oportunas para poder tomar posesión dos postos.  

Por outra parte, manifestou a súa esperanza de que como é intención do Concello, esta iniciativa sirva para revitalizar a actividade comercial en Palmeira e para que a praza da abastos vexa aumentadas as súas vendas. 

Así mesmo, animou aos veciños de Palmeira, do municipio e dos concellos limítrofes, así como aos visitantes que recalan nesta zona na época estival, a que acudan a este novo mercadillo para que sexa un éxito.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: Arrecó ten un plan para este verán (ou máis)

Triptico campaña verano 2011.pdf Download this file

• Quedan 10 prazas vacantes en dous campamentos
  

Ribeira, 29 de xullo de 2011.A Asociación Cultural, de Ocio e Tempo Libre Arrecó de Ribeira organiza campamentos para este verán, nos que participarán máis de 100 nenas e nenos de idades comprendidas entre os 5 e os 17 anos. A Asociación fai un esforzo económico "moi grande", afirma, subvencionando 3.500 euros, para que os prezos sexan asequibles e poideran participar o maior número de interesados posible.

 

A día de hoxe quedan 10 prazas vacantes no campamento "A Miña Primeira Aventura" e hai lista de espera no Campamento de "Integración".

 

Información sobre as súas actividades:

ARRECÓ  “TEN PLAN”. Si es xoven ¡¡¡estás de noraboa!!! 

Actividade  enmarcada dentro dos programas e actos que a Asociación Cultural, de Ocio e Tempo Libre Arrecó está levando a cabo durante estes últimos anos para fomentar as actividades de tempo libre e a educación non formal. 

Na actualidade a asociación Arrecó ten máis de 400 socios e socias e a Xunta Directiva está composta por persoas cualificadas, mestres, pedagogos, educadores sociais, animadores socioculturais, psicólogos, ..., e casi todos monitores e directores de tempo libre. 

Estamos a desenvolver un programa de actividades de ocio alternativo e de educación non formal durante todo o ano 2011, fomentando a participación xuvenil, tanto na elección das actividades coma na organización delas. 

Queremos retomar o noso obxectivo fundamental cando se constituiu a asociación, alá polo ano 97, que non é outro que o de ser o referente en actividades de ocio en toda a comarca do Barbanza. Imos a traballar moi duro para conseguilo e ofertaremos actividades para todos os gustos e destinatarios. 

Faremos coma mínimo unha actividade cada mes baixo a denominación de “Coñece o teu Concello, Coñece Barbanza, Coñece Galicia, Coñece España”; por exemplo: Participar activamente nas actividades do Nadal de Riveira, recuperar tradicións no entroido (murgas, enterro do felipe,...), andainas populares, recuperar tradicións coma as muiñadas, visitas lúdico-culturais a museos (museo do mar de Rianxo, museo do gravado e museo etnográfico de Artes, centro de interpretación arqueolóxica do Parque Periurbano de San Roque, CIELGA do Parque Natural de Corrubedo), pasar un día de convivencia e coñecer outros puntos de Galicia (Ecoparque de Marín, circuito de karts de Sanxenxo, ...) visitar outras comunidades autónomas para coñecer a súa realidade, cultura, tradicións, gastronomía,.. 

Por suposto, a actividade raíña da asociación é, foi e será a dos campamentos de verán que este ano van dirixidos a nenos/as de idades comprendidas entre os 6 e os 17 anos.  

CAMPAMENTOS DE VERÁN

Campamento “A Miña Primeira Aventura”: Realizarase nas instalacións do Albergue Rianxiño no Concello de Rianxo, durante os seguintes días: 11, 12, 13, 14 e 15 de agosto de 2011.

Os nenos participantes neste campamento teñen que ter unha idade comprendida entre 6 e 10 anos, ambos inclusive. O prezo é de 125 €. 

Campamento de Integración: Realizarase no Campamento Xuvenil de Pontemaril no Concello de Forcarei (Pontevedra), durante os seguintes días: 18, 19, 20, 21, 22, 23, 24, 25, 26, 27, 28 e 29 de agosto de 2011.

Os nenos participantes neste campamento teñen que ter unha idade comprendida entre 11 e 17 anos, ambos inclusive. O prezo é de 150 €. 

Máis información en www.arreco.org

Posted via email from Certo.gl, o xornal dixital de Barbanza e Noia

Festa da Dorna: este sábado 30, en Ribeira, último foguete, co Baile de Gala

• Ou vides "elejantes" ou escusades vir, amij@s

BAILE DA DORNA

O vindeiro Sábado 30 de Xullo terá lugar o Baile de Gala da Festa da Dorna no Circulo Mercantil de Ribeira dende as 23:00, alí nos reuniremos coas nosas mellores galas todos os dorneiros e dorneiras para rendir homenaxe á tradición máis arraigada da Festa da Dorna, a cal se conserva dende a I Singladura alá polo 1948 cando coñecido como Baile da Dorna, foi o nacemento desta festa que hoxe en dia se volveu un referente no panorama galego e do resto do estado.

Alí entregaranse a Poutada de Ouro, máximo distintivo da R. e I. Cofradía da Dorna, a algunha dorneira ou dorneiro ilustre co fin de premiar os seus esforzos pola Festa da Dorna. Ademáis teremos algún recoñecimento máis e todo isto amenizado polo dúo Yesterdey. Como é tadrición realizarase a entrega da Flor Natural a todos os asistentes, feitas este ano pola peña As LLapras do Stop.

Dorneiros e Dorneiras collede as vosas mellores galas, e vinde bailar o Mercantil!!!

Por todo esto ben debes vir ao Baile, e vir de gala pois esto vai totalmente en serio e se non ves de gala xa non veñas, cumplide cos requisitos do baile e evitade discusións sen sentido.

VIVA A FESTA DA DORNA!!!!

Rifa Dorneira 2011

O pasado Sábado 23 de Xullo rematou a rifa dorneira saindo premiado o boleto correspondente ao 085 así que si es portador deste boleto ponte en contacto coa Asociación Cultural Real e Ilustre Cofradía da Dorna, email: real-e-ilustre@cofradíadadorna.com ou no telefono 617535761, para que podamos entregarche o vale por unha cea para dúas persoas no Restaurante Aljan, situado na Rúa Miguel Rodriguez Bautista frente ao colexio O Grupo, nunha das Casas Baratas. Non deixes pasar esta oportunidade.

A todos os participantes moitisimas gracias por colaborar, coa vosa aportación faise o camiño para seguir sendo a mellor festa de Galicia, FESTA DA DORNA. Ademáis a R. e I. Cofradía da Dorna seguirá todo o ano con múltiples actividades para que todos disfrutemos mentres non chega a LXIV Singladura.

Vista: http://www.noticiasdorneiras.blogspot.com/
Reenvía esto a quen poidasinteresar.Evita spam, utiliza CCO.

Posted via email from Certo.gl, o xornal dixital de Barbanza e Noia

Rianxo: este sábado 30 de xullo, concerto da Sinfónica de Arroyo de la Encomienda

Rianxo, 29 de xullo de 2011. Dende a Escola de Música de Rianxo comprácense en convidar a todo o mundo ao 2º concerto do VII Ciclo de Bandas:

• CONCERTO DA BANDA SINFÓNICA DE ARROYO DE LA ENCOMIENDA (VALLADOLID)

• DÍA: sábado 30 de xullo
• HORA: 21.00 h
• LUGAR: Campo de Arriba (en caso de que chova, refuxio no Auditorio)

Posted via email from Certo.gl, o xornal dixital de Barbanza e Noia

A Pobra: zamoranos e madrileños de visita no Museo Valle-Inclán

A Pobra, 29 de xullo de 2011. Desde terras zamoranas e madrileñas chegaron ás instalacións do Museo Valle-Inclán da Pobra do Caramiñal un grupo de 37 persoas para coñecer de cerca a que foi residencia dos pais de don Ramón, a Torre de Bermúdez, actualmente sede do Museo Valle-Inclán, onde a través dunha visita guiada percorrenron as distintas estancias co fin de coñecer de cerca a colección de pezas que se expoñen en cada unha das estancias do edificio.

A visita polas terras pobrenses acompañouse dunha subida ó miradoiro de A Curota, onde admiraron a plenitude da ría arousana,  un paseo polas rúas máis céntricas da vila pasando por lugares emblemáticos tamén cercanos ó escritor , como pode ser Villa Eugenia.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: Novas Xeracións organiza este sábado 30 unha campaña de afiliación

• Contarán coa presenza de Javier Dorado, presidente de NN.GG a nivel nacional español

O vigués Javier Dorado

Ribeira, 29 de xullo de 2011. O mesmo día que se anuncian as eleccións xerais para o 20 de novembro deste mesmo ano, Novas Xeracións de Ribeira infórmanos de que este sábado 30 de xullo organizan unha campaña de afiliación a esta entidade xuvenil conservadora. Será na avenida do Malecón, entre o palco de pedra e Capitanía Marítima, entre as 12 do mediodía e as dúas da tarde.

O eslogan escollido para afiliar a mozos ás Novas Xeracións do PP é "Seguimos xerando ilusión". Estará nesta actividade partidista o presidente da xestora provincial de NN.GG. e destacados membros do Partido Popular de Ribeira, onde a dereita colleitou unha clara maioría absoluta nas últimas eleccións municipais do 22 de maio. Tamén estará o presidente nacional de Nuevas Generaciones, o galego Javier Dorado, nun acto onde, ademais de poderse afiliar in situ e obter a camiseta de Novas Xeracións, haberá animacións destinadas aos máis mozos. Tamén contarán cun stand no que se poderá ver un resumo do traballo desta entidade xuvenil, e onde se fará fincapé nas campañas para promocionar o comercio local e a movida da Centenaria.

Posted via email from Certo.gl, o xornal dixital de Barbanza e Noia

Ribeira: presentadas as "Raíñas da Flor", dezaoito rapazas, dúas por cada parroquia do concello

• Foron presentadas esta tarde no Auditorio Municipal 
  

• É unha tradición que busca realzar as festas do verán
• O 7 de agosto ás 7 da tarde serán coroadas oficialmente
  

Ribeira, 27 de xullo de 2009. – Representando ás nove parroquias do municipio, un total de 18 Raíñas da Flor (9 no apartado Xuvenil e outras tantas en Infantil) realzarán coa súa presenza as Festas de Verán de Ribeira que darán comezo o vindeiro mércores. Hoxe foron presentadas no Auditorio Municipal polas concelleiras de Cultura e de Parque Natural e Medio Ambiente, Elvira Pisos e Elvira Pereira (esta última ten competencia na área de Parques e Xardíns), así como pola presidenta da Asociación de Amas de Casa, Magdalena Bringas, e unha representación da Comisións de Festas. 

Tal e como foi resaltado na presentación tanto por Elvira Pisos como Magdalena Bringas, este ano non haberá Raíña das Festas nin damas de honor, o que propiciará que estas 19 Raíñas se erixan grandes protagonistas das festas coa súa beleza e ilusión. 

As nenas terán o seu gran momento coa súa coroación na Praza de Otero Goyanes o domingo día 7 de agosto ás 19 horas, acto que precederá ao gran desfile de carrozas no que as rapazas estarán acompañadas polos espectáculos Cabarédeambulante de Femme Fatale e Bloqnho de Percusión de Aperta. 

Tamén está prevista unha recepción oficial polo alcalde, Manuel Ruiz Rivas e mesmo estarán presentes na procesión marítima, aínda que con traxe galego por non estar aínda coroadas. 

No apartado Xuvenil, as Raíñas de Flor son Lucía Gómez Pazos (Aguiño), Ana Dosantos Blanco (Artes), Lara Lorenzo Lustres (Castiñeiras), Loli Prego Prego (Carreira), Irene María Calo Franco (Corrubedo), Saray Santos Alonso (Olveira), Ángela Fernández Bello (Palmeira) Pura Ageitos Mos (Oleiros) e Sara Ageitos (Santa Uxía de Riveira). 

No apartado Infantil, representarán ás distintas parroquias: Natalia Mariño González (Aguiño), Andrea Olveira Vila (Artes), Carla García Campaña (Castiñeiras), Marta Paz Pazos (Carreira), Yudit Sobrido Quintela (Corrubedo), Andrea Ageitos Rey (Oleiros), Saray Martínez Rama (Olveira), Lucía Miranda (Palmeira), e Aitana Cadabal (Santa Uxía). 

Xardíns

Merece ser destacado tamén o apartado de Xardíns, apartado en que os elixidos foron: Josefa Muñiz Castro (Aguiño), Manuel Vilar Vilar (Castiñeiras), Josefa Sampedro García (Carreira), rúa do Medio (Palmeira), Ángeles López Pego (Olveira), Mª Carmen Dios (Artes), a praza pública de Oleiros da Igrexa (Oleiros) e veciños da rúa do Barbanza en Santa Uxía.

 

See the full gallery on Posterous

Posted via email from Certo.gl, o xornal dixital de Barbanza e Noia

Boiro: os últimos descobrementos sobre o castro pequeno de Neixón, na Rede

Redescubrindo-o-castro-pequeno-de-Neixon.pdf Download this file

Vía

Posted via email from Certo.gl, o xornal dixital de Barbanza e Noia

A Pobra: mozos de Novas Xeracións organizaron unha viaxe ao parque acuático de Cerceda

A Pobra, 28 de xullo de 2011. O pasado martes, 26 de xullo, Novas Xeracións do PP de A Pobra organizou unha viaxe para toda a mocidade do concello ao parque acuático de Cerceda. A actividade foi moi ben acollida e participaron medio cento de mozos con idades comprendidas entre os 16 e os 22 anos.

O presidente de Novas Xeracións do PP pobrense, Eloy Sobrido García, congratúlase da "masiva participación que ha tenido esta primera actividad veraniega, que será la primera de muchas que se realizarán este verano".  Tamén aproveita para agradecer a todos os participantes a súa colaboración e anímaos a anotarse ás seguintes actividades de NN.GG., das que dará cumprida información.

Posted via email from Certo.gl, o xornal dixital de Barbanza e Noia

A Pobra: o Psoe pide nunha moción unha promesa do alcalde do ano 1997, un local para os grupos da oposición

Recorte de prensa aportado polo Psoe pobrense e moción completa para o vindeiro pleno.

Moción solicitud local grupos.docx Download this file

Posted via email from Certo.gl, o xornal dixital de Barbanza e Noia

Ribeira: presentan o libro "Sálvora. Memoria dun naufraxio" este venres 29 na Sala Museo Municipal

Ribeira, 27 de xullo de 2011. Este venres 29 de xullo, ás 20:30 horas, na Casa de dona Adela, reconvertida agora en Sala Museo Municipal de Ribeira, terá lugar a presentación de "Sálvora. Memoria dun naufraxio", libro no que se narra a traxedia do Santa Isabel. O autor é Xosé María Fernández Pazos, xornalista da Radio Galega, historiador e director da revista de tecnoloxía Código Cero. Esta edición é xa a segunda. A primeira data do ano 1998.
Vaise proxectar un pequeno documental sobre o naufraxio do vapor correo, que axiña agardamos suban á Rede para poder velo todos. Sálvora e o Concello de Ribeira levaron o lema de "moi humanitarios" por socorrer aos náufragos daquel barco -pereceron 213 persoas- e en especial catro mulleres -As heroínas de Sálvora- foron condecoradas polo auxilio que prestaron. Corría o ano -de desgraza para esta xentiña- de 1921. Neste blog -en castelán- contan toda a historia. En http://riveiranotempo.blogspot.com tamén contan a historia, con recortes da prensa en papel. En http://www.hydronauta.com pódese atopar toda a historia do vapor naufragado e fotos do mesmo.

See the full gallery on Posterous

Posted via email from Certo.gl, o xornal dixital de Barbanza e Noia

Porto do Son: o sábado 6 de agosto, XII Festa Hortera, con homenaxe ao finado Bobby Farrell

Haberá unha homenaxe ao finado Bobby Farrell, que xa debería ter sido nomeado presidente de honra desta festa. D.E.P.

Programa:

19:00 Batukada Session By Mordecans

20:00 Pasarruas By DJ Movil
(Nadelas, Taita, Praza, Loreto)

20:30 Taita By Fotocall

21:30 Playback Star By Plaza-Loreto
(Mellor playback 100 euros)

23:00 Concerto By Boggie Band (Málaga)
No xardín portuario, barra by Chiringo Fonfo

1:00 Cruceiro Disco Night Fever
 
Troy Rock'n Troy

3:00 Slalom In Memoriam Bobby Farrell

Posted via email from Certo.gl, o xornal dixital de Barbanza e Noia

Porto do Son: do 9 ao 12 de agosto, Xornadas de Historia e Cultura

xornadas historia e cultura 2011.pdf Download this file

Abordarán o megalitismo, a cultura castrexa e os petróglifos

Posted via email from Certo.gl, o xornal dixital de Barbanza e Noia

A Pobra: o Bng insiste cunha moción no desleixo a que ten sometido o goberno local á maioría dos centros de ensino

O Bng presentou esta moción á prensa fronte ao colexio Salustiano Rey

A Pobra, 27 de xullo de 2011. O Bng da Pobra volta este xoves, 28 de xullo, a meter en pleno unha moción na que se solicita que o goberno local lle preste máis atención ás condicións en que se atopan os centros de ensino deste concello.

O texto íntegro da moción é o que segue:

Rosana Pérez Fernández, concelleira e portavoz do Grupo Municipal do Bloque Nacionalista Galego nese Concello, presenta, para a súa inclusión e debate na vindeira sesión plenaria ordinaria do mes de xullo, a seguinte MOCIÓN, relativa á falla de atención ao ensino público e ás deficiencias no mantemento dos centros do noso concello. 

EXPOSICIÓN DE MOTIVOS: 

      Ao longo dos últimos anos, foron moitas as ocasións nas que o BNG denunciou públicamente e diante do Goberno Municipal  a falla de atención á que, por parte do mesmo, está sometido o ensino público en xeral no noso concello  e, en particular, as múltiples deficiencias no mantemento dos centros que, en moitos casos, levan anos sin subsanar. 

      Moi lonxe queda xa aquela promesa do Partido Popular da Pobra de poñer en funcionamento o Consello Escolar Municipal (CEM), órgano que daría cabida ao debate e propostas de solución de todos os problemas do ensino no concello e á participación activa e real de toda a comunidade educativa, cuestión que é máis que evidente que nunca interesou en absoluto ao Goberno local. 

      Moito máis recente, deste mesmo curso, é a política de recortes que está a levar o Partido Popular na Xunta de Galiza a respecto dos servizos públicos fundamentais e que, neste caso, afecta á calidade da educación e á formación do profesorado. O Centro de Formación e Recursos (CFR), ubicado dende hai anos no Colexio Fernández Varela vén de pechar as súas portas por mandato expreso da Consellería de Educación. Unha vez máis, as máis altas autoridades educativas veñen de incumprir as súas promesas relativas á mellora do ensino e, mentres se comprometeran a suplir o peche do CFR con cursos para o profesorado nesta comarca, publican o Plan de Formación 2011-12 onde figuran cero cursos na mesma. 

      Tema aparte, de vital importancia para o desenvolvemento normal e diario das actividades docentes e extra-escolares e de grande preocupación para o conxunto da comunidade educativa é a desidia municipal e o incumprimento sistemático das súas competencias respecto do mantemento habitual dos centros de infantil e primaria. 

     As condicións inexplicábeis nas que se atopa o saneamento do Pilar Maestú e Salustiano Rey Eiras son tan vellas como as promesas e os incumprimentos do Executivo local de solucionalas. O abandono dos patios e contornas dos centros escolares é tamén un clásico  do Goberno Municipal: Peches perimetrais deteriorados, falla de asfaltados, accesos aos centros en condicións lamentábeis, falla de limpeza, exceso de maleza, problemas de tráfico, aparcamento, etc., etc., etc. A todo isto temos aínda que engadir a escaseza de marquesiñas en moitos lugares onde as nenas e nenos agardan o transporte escolar. 

     Por todo o exposto, esta concelleira, en representación do Grupo Municipal do BNG, propón ao Pleno da Corporación Municipal a adopción dos seguintes 

     ACORDOS: 

     O Goberno Municipal: 

     1.- Constituirá e porá en funcionamento o Consello Escolar Municipal para que poda estar operativo nos primeiros meses do vindeiro curso 2011-12. 

     2.- Demandará da Consellería de Educación a reprogramación dos cursos para o profesorado, de xeito que, no 2011-2012, se podan desenvolver tamén na nosa comarca. 

     3.- Levará a cabo, sin máis dilación, a conexión ao alcantarillado municipal dos colexios Pilar Maestú, Salustiano Rey Eiras e tamén do IES da Pobra. 

     4.- Exercerá as súas competencias e velará polo estricto mantemento dos centros de infantil e primaria do noso concello, atendendo con prioridade e executando dilixentemente todas aquelas demandas das comunidades educativas e das direccións relativas ao mesmo, nomeadamente as referidas a seguridade, limpeza e adecentamento do interior e exterior dos edificios escolares. 

     A Pobra do Caramiñal, 18 de xullo de 2011.

Posted via email from Certo.gl, o xornal dixital de Barbanza e Noia

Ribeira: o Pleno da Corporación emitiu unha declaración institucional de apoio á frota pesqueira

DECLARACIÓN INSTITUCIONAL DOS GRUPOS QUE COMPOÑEN A CORPORACIÓN MUNICIPAL DO CONCELLO DE RIVEIRA A FAVOR DA SÚA FROTA PESQUEIRA  

Desde as súas orixes a economía do Concello de Riveira está intimamente ligada co sector pesqueiro do que deriva a súa maior fonte de riqueza e que constitúe a esencia das súas raíces sociais, económicas e culturais. 

O traballo secular dos homes e mulleres do mar converteron a Riveira nun dos portos de baixura máis importantes de Europa, logro que sería imposible de acadar sen respecto ao medio mariño e aos recursos existentes. 

Sendo isto así, o Pleno deste Concello, a súa sociedade en xeral e o sector pesqueiro en particular é consciente de que o futuro do noso municipio depende de que o cambio que necesariamente debe darse na política común de pesca (PCP) da Unión Europea ten que apoiarse no principio de sostibilidade, principio que debe basearse no equilibrio dos tres piares que o conforman, o ambiental, o económico e o social. 

Botando unha ollada inicial á proposta da comisaria de Pesca da Unión Europea, Sra. Damanaki, o Pleno quere amosar a súa preocupación pola falta de equilibrio desta, no que o peso do compoñente ambiental parece esquecer que o sector pesqueiro se caracteriza por xerar emprego en zonas periféricas que na súa meirande parte non teñen alternativas económicas ao aproveitamento pesqueiro, polo que solicitamos un maior peso dentro da PCP dos aspectos socioeconómicos que necesariamente deben incidir nela. 

Nesta mesma liña observamos que ante a formulación de medidas que ocasionarán importantes cambios na situación actual non se contemplan os mecanismos e instrumentos financeiros destinados a paliar os posibles efectos negativos que poidan producirse no sector e por ende en toda a economía do noso Concello. 

A falta de precisión e concreción en conceptos como o enfoque ecosistémico na xestión das pesquerías, a esixencia do obxectivo de recurso máximo sostible en 2015, a xestión dos descartes, a organización común dos mercados, a gobernanza ou os referidos á costeira, a pesca artesanal ou o marisqueo son obxectivos da reforma que deben ser analizados máis polo miúdo pero do que xa se pode afirmar que adoecen de importantes eivas que deberan ser corrixidas no documento definitivo. 

É por iso que o Concello de Riveira, dada a importancia do sector pesqueiro que fai esta zona altamente dependente desta actividade, considera esencial a defensa do sector pesqueiro nacional e polo tanto de máximo interese a colaboración entre os responsables do goberno central e das CCAA, así como destes co sector pesqueiro co fin de consensuar propostas que teñan en conta as preocupacións do sector produtor como de todos os territorios, que coma o noso, dependa principalmente da riqueza que a pesca proporciona. 

Manifestamos, igualmente, o noso apoio a todas as medidas que desde as institucións públicas responsables poidan levarse a cabo en defensa do sector e reclamamos que nos grupos de traballo que se puidesen crear para tal fin estean presentes representantes do porto de Riveira.

Posted via email from Certo.gl, o xornal dixital de Barbanza e Noia

Ribeira: o Concello pasará a formar parte do padroado da Fundación Galega contra o Narcotráfico

Ribeira, 27 de xullo de 2011.Onte tivo lugar no Liceo Marítimo unha charla coloquio baixo o epígrafe "Narcotráfico: actualidade e reflexións". Os poñentes foron José Manuel Siso Bartomé, presidente da Fundación Galega contra o Narcotráfico e Lorenzo Santos Falagán, membro do padroado de dita fundación e experto en operacións contra o narcomercadeo, ao ser tenente da Garda Civil.
A conferencia foi presentada polo concelleiro de Sanidade de Ribeira, quen comentou que nos vindeiros días vaise asinar un protocolo conforme o Concello pasará a formar parte do padroado da Fundación Galega contra o Narcotráfico.

Á charla asistiron, ademais de veciños de Ribeira, representantes de varias entidades sociais como a Asociación Renacer, as Amas de Casa, Mans Unidas, Cáritas e Unicef.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: o Concello contará este verán cunha unidade de policía en bicicleta

Noutras cidades galegas costeiras, como Vigo, hai policías en bicicleta

Ribeira, 27 de xullo de 2011. O fronte da casa consistorial vai ser escenario no día de mañá, xoves 28 de xullo, ás 12.30 horas da presentación dunha iniciativa promovida dende o Concello para a tempada de verán, consistente nunha unidade ciclista da Policía Local que patrullará por determinadas zonas de Ribeira.

Posted via email from Certo.gl, o xornal dixital de Barbanza e Noia

Ribeira: programación das Festas do Verán, do 3 ao 7 de agosto

Ribeira, 27 de xullo de 2011. Esta mañá foron presentadas as Festas do Verán 2011 de Ribeira, nas que as principais novidades son a recuperación da procesión marítima e da sardiñada popular que se celebrará en Pedra Pateira.

 

Na presentación estiveron  o alcalde e parte dos 20 integrantes que compoñen a Comisión de Festas, que preside Luciano Fernández. Tanto o libro das festas como a entrada para os catamaráns que participarán na procesión na honra da Virxe do Carme están a disposición dos interesados no Auditorio Municipal, de luns a venres de 19 a 21 horas e os sábados de 12 a 14 horas.

7 de agosto.pdf Download this file

3 de agosto.pdf Download this file

4 de agosto.pdf Download this file

5 de agosto.pdf Download this file

6 de agosto.pdf Download this file

Posted via email from Certo.gl, o xornal dixital de Barbanza e Noia