29.4.11
Boiro: dende o luns 2 de maio, "Golfo de Fonseca. A loita por un futuro sostible" no Centro Social
Amigos de la Tierra y la Asociación Gallega de Reporteros Solidarios (AGARESO), a través de un convenio de colaboración, desarrollan un proyecto de sensibilización para dar a conocer el trabajo que se lleva a cabo en el Golfo de Fonseca (Honduras, El Salvador y Nicaragua) en temas de pesca artesanal sostenible.
Estrella López, Eva Alonso, Laura López, Carlos Puga y Cristobal Fernández visitan los proyectos que Amigos de la Tierra acomete en estos tres países que comparten el Golfo de Fonseca, un ecosistema muy importante y muy rico en diversidad biológica.
Para llevar a cabo esta misión, los reporteros de Agareso se entrevistan durante doce días con las cooperativas de marineros artesanales, instituciones locales, cooperativas de mujeres y las contrapartes de Amigos de la Tierra, recogiendo a través de entrevistas los logros que se están consiguiendo en diferentes aspectos como la pesca artesanal sostenible, la conservación de los recursos marinos o la mayor participación de las mujeres en el sector pesquero.
Los logros alcanzados en las comunidades pesqueras del Golfo no podrían ser posibles sin el incisivo trabajo de las contrapartes: CODEFFAGOLF en Honduras, LIDER en Nicaragua y CODECA en El Salvador, una conjunción de esfuerzos que recibe el respaldo de Cooperación Galega.
Posted via email from Certo.gl, o xornal dixital de Barbanza e Noia
Compártelo
28.4.11
Ribeira: o Bng denuncia a irresponsabilidade do goberno por permitir derrubos sen medidas de protección
O Bng aclara que a empresa que sae na imaxe non parece a responsable do derrubo, aparecendo só para valar o espazo cando xa o derrubo está case totalmente consumado.Ribeira, 28 de abril de 2011. O BNG denuncia hoxe en nota de prensa "a irresponsabilidade do Goberno Municipal de Ribeira ao consentir a demolición dunha obra sen as debidas medidas legais de protección aos traballadores e á cidadanía e sen cumprir a normativa legal".
O edificio e solar da antiga Fábrica de Castiñeiras, hoxe patrimonio público "grazas á insistencia do BNG en Madrid e Ribeira, conta con materiais, como o fibrocemento, que contén amianto, material canceríxeno prohibido desde o 2002 e que debe ser manipulado por empresa autorizada e nas condicións de seguridade establecidas no Real Decreto 396/2006". O BNG de Ribeira ten demandado ao Goberno Municipal a adopción de medidas de protección deste espazo "polo perigo para a poboación que representaba a súa situación de deterioro e ruína. Pese ás nosas demandas o Goberno Local fixo oídos xordos consentindo chegar á situación actual na que materiais canceríxenos como o amianto estanse dispersando ao ambiente e trasladando á poboación un risco certo. Lembramos que o BNG confirmou mediante análise a presencia de amianto na variedade "crisotilo" e que a obra carece de autorización municipal".
Posted via email from Certo.gl, o xornal dixital de Barbanza e Noia
Compártelo
A Pobra do Caramiñal: así monologan e tiran da Lingua os rapaces do instituto da Pobra
Posted via email from Certo.gl, o xornal dixital de Barbanza e Noia
Compártelo
Dodro: a segunda parte da Primavera cultural comeza co roteiro "Pensa Nao" este venres 29 de abril
Dodro, 28 de abril de 2011. A Primavera cultural de Dodro segue ata o xoves 30 de xuño. A relación de actos é a seguinte:
VENRES, 29 de abril
ás 21.00 horas CASA DO REGADÍO, presentación da 2a Edición do Roteiro Pensa Nao e dos materiais de DIFUSIÓN: libro e dvd con Anxo Angueira.
Este acto ampliámosllo en:
SÁBADO, 30 de abril
Ás 10.00 horas, no SOUTO DE MANSELLE, actividade de sendeirismo guiada: Roteiro Pensa Nao.
MÉRCORES, 4 de maio
ás 17.30 horas, no LOCAL SOCIOCULTURAL de LESTROBE: CONTACONTOS: “Encontros coa fantasía”.
MÉRCORES, 11 de maio
Ás 18.00 horas, no LOCAL SOCIOCULTURAL de IMO: CONTACONTOS con Títeres Cachirulo: “Bo rato cos ratos”.
XOVES, 30 de xuño
Ás 18:00 horas CONTACONTOS: “Os contos de Pablísimo”. CASA DA CULTURA
Posted via email from Certo.gl, o xornal dixital de Barbanza e Noia
Compártelo
Noia: xa se pode ver en Youtube o "Cartafol do serán 2011" que organizou o Colectivo Sacou este mes
Posted via email from Certo.gl, o xornal dixital de Barbanza e Noia
Compártelo
Noia, Muros, Padrón e Rianxo: a Xunta aprobou novas actuacións para as áreas de rehabilitación
Oficina de Rehabilitación de Noia, na rúa do CurroBarbanza-Noia, 28 de abril de 2011.- Os veciños das localidades de Muros, Noia, Padrón e Rianxo contarán con máis axudas para a rehabilitación de vivendas e edificios ubicadas nas Áreas de Rehabilitación destas vilas. Na reunión do Consello da Xunta celebrada hoxe, o Executivo autonómico aprobou destinar unha nova partida de 11,2 millóns de euros ao financiamento de 1.750 actuacións nas áreas de rehabilitación integral existentes en Galicia, así como para a área de rehabilitación do Camiño de Santiago. Neste bloque de novas actuacións inclúense 22 para o casco histórico de Noia, 33 para Muros, 11 para Padrón e outras tantas para Rianxo.O Consello celebrado hoxe autorizou a sinatura dos correspondentes acordos no marco da Comisión Bilateral sobre Áreas de Rehabilitación Integral de Galicia, formada pola Xunta e o Estado e na que tamén participan os concellos que contan con ARI. A partida autorizada hoxe engádese aos 14,2 millóns de euros que se están a executar na actualidade para financiar máis de 3.000 rehabilitacións, polo que nestes momentos a Xunta ten mobilizados mais de 25 millóns de euros de fondos propios que posibilitarán unhas 4.800 accións de rehabilitación. As 1.750 actuacións autorizadas hoxe, así como as obras de urbanización e reurbanización que poidan realizar os concellos que teñen áreas de rehabilitación declaradas, recibirán da Xunta de Galicia subvencións de ata 10.785.000 de euros. En execución están na actualidade 84 convenios en 33 concellos. Estas 84 convenios prevén a actuación sobre un total de 3.036 vivendas, estando xa rematadas as actuacións nun total de 1.084 vivendas.Axudas á rehabilitación O Plan de Vivenda establece tres tipos de áreas de rehabilitación:
- Áreas de rehabilitación situadas en zonas urbanas pero fóra dos cascos históricos
- Áreas de rehabilitación en conxuntos históricos, que son a meirande parte das galegas.
- Áreas de rehabilitación en núcleos rurais.
Os propietarios de edificios e vivendas emprazados nas áreas de rehabilitación, cunha antigüidade superior a 10 anos e destinados a residencia habitual e permanente do propietario ou ao alugueiro, poden acceder a axudas de ata 11.600 euros por actuación. Nas áreas de rehabilitación emprazadas en conxuntos históricos ou núcleos rurais a subvención pode acadar o 75 por cento do presuposto, co límite indicado de 11.600 euros. Nas restantes áreas, nas que non existen os condicionantes das zonas históricas e rurais, a porcentaxe da subvención pode ser dun máximo do 65 por cento do orzamento, cun límite de 10.500 euros. Ademais, poderase acceder a un préstamo, sen subsidiación, a un prazo máximo de 15 anos, con 3 de carencia.
Nos casos de áreas de rehabilitación emprazadas en conxuntos históricos, as axudas da área serán compatibles con outras axudas de rehabilitación en conxuntos históricos que financia en exclusiva a Xunta de Galicia. O mesmo sucederá coas áreas de rehabilitación en núcleos rurais, cuxas axudas serán compatibles coas de rehabilitación rural. Estas axudas de rehabilitación en conxuntos históricos e as de rehabilitación rural acadan o 50 por cento do orzamento. Sumadas as axudas da área de rehabilitación e de conxuntos históricos poden acadar como máximo o 75 do orzamento. Axudas á urbanización para os concellosDoutra banda, os concellos poderán acceder a subvencións para a realización de obras de urbanización e reurbanización no ámbito das áreas de rehabilitación. Nas áreas de rehabilitación emprazadas en conxuntos históricos e núcleos rurais esta subvención pode acadar o 60 por cento do presuposto das obras, sempre que o importe da subvención para urbanización e reurbanización non supere o 60 por cento do importe total de subvencións destinadas a rehabilitación de edificios e vivendas.
Nas restantes áreas de rehabilitación o importe das subvencións será como máximo do 40 por cento, sempre que o importe da subvención para urbanización e reurbanización non supere o 40 por cento do importe total de subvencións destinadas a rehabilitación de edificios e vivendas.
Posted via email from Certo.gl, o xornal dixital de Barbanza e Noia
Compártelo
A Pobra do Caramiñal: sacan a concurso a instalación dunha gasolineira no porto
Gasoliñeira do mar: seis meses perdidos
Posted via email from Certo.gl, o xornal dixital de Barbanza e Noia
Compártelo
Rianxo: arranxos no edificio de Servizos Náuticos para ampliar instalacións do club de piragüismo
Rianxo, 28 de abril de 2011.- Portos de Galicia comezará nos próximos días a execución das obras de mellora do edificio de servizos náuticos de Rianxo, que ocupa o club de piragüismo deste municipio coruñés. En concreto, a actuación consistirá na ampliación das instalacións, a través dunha nave anexa; a ampliación das instalacións do ximnasio; melloras para a zona de vestiarios e o interior da nave, así como a remodelación do seu exterior. O orzamento desta obra é de 52.411 euros e Portos de Galicia prevé un prazo de execución aproximado de dous meses. No que respecta á ampliación das instalacións, a nova nave anexa empregarase como almacén de piraguas, ubicado no costado oeste da actual edificación. O ximnasio do clube ampliarase nuns 50 metros cuadrados, de xeito simétrico ao existente. Na zona de vestiarios executaranse melloras como o repicado do pavimento de baldosa existente e o solado de baldosa de gres, alicatado, reforzo da instalación eléctrica, e instalación de novas portas de acceso, tanto aos vestiarios, como aos aseos. En canto ao interior da nave, tamén verá renovado o solado, con baldosa de gres; colocarase unha porta metálica de peche da zona de instalacións; reforzarase o suministro eléctrico con seis nova luminarias, e instalarase un novo termo eléctrico, entre outras reparacións. Finalmente, no exterior da nave, impermabilizaranse a cuberta e a fachada e acondicionaranse vidros e remates.
Posted via email from Certo.gl, o xornal dixital de Barbanza e Noia
Compártelo
Ribeira: cortes na autovía do Barbanza en Palmeira e Ribeira para cambiar carteis este venres 29 de abril pola mañá
Ribeira, 28 de abril de 2011- A Consellería de Medio Ambiente, Territorio e Infraestruturas realizará mañá cortes de carrís na autovía do Barbanza (AG-11), á altura dos enlaces de Palmeira e Ribeira, entre as 9.30 e as 12.30 horas co fin de realizar modificacións na cartelería. No enlace de Palmeira (pk 38) en dirección Ribeira, incluirase un pictograma de porto industrial e o texto de "porto de Ribeira" en tres sinais situadas na calzada e en cinco sinais ubicadas fóra da calzada. Para a execución destes traballos, realizarase un corte de carril dereito entre o pk 35+800 e 37+650 na calzada dereita, dende as 9.30 ata as 11.00 horas. No enlace de Ribeira, na saída da autovía, engadirase o destino "Porto do Son" na bandeirola situada no pk 39+910 en dirección Ribeira e nun cartel frecha na glorieta de Xarás. Estes traballos, que se levarán a cabo entre as 11.30 e as 12.30 horas, precisan dun corte de carril entre os pk 39+350 e 39+950 en dirección Ribeira. Trátase dunha zona de calzada única e cun único carril por sentido, polo tanto darase paso alternativo aos usuarios da vía mediante dous sinalistas.
Posted via email from Certo.gl, o xornal dixital de Barbanza e Noia
Compártelo
Ribeira: a cuarta fase de "A túa pegada en San Roque" encherá de piñeiros mansos unha parcela, que será repoboada por 350 escolares
Imaxe dunha das fases anteriores
Ribeira, 28 de abril de 2011.- O Concello anunciou hoxe o desenvolvemento durante os meses de maio e xuño da cuarta fase do proxecto “A túa pegada en San Roque”, que, proseguindo o labor iniciado na convocatoria do ano pasado, vai seguir repoboando con piñeiros mansos unha parcela forestal do propio parque queimada durante a vaga de incendios do verán do 2006.
O concelleiro de Turismo, Vicente García, foi quen presentou o proxecto na compaña dos técnicos municipais de Turismo e Xuventude, Sandra Fernández e Mario Vidal, respectivamente.
Cabe lembrar “A túa pegada en San Roque” é un proxecto educativo e medioambiental que xurde co afán de recuperar e promocionar o patrimonio artístico, histórico, cultural e natural. Nas súas anteriores fases este proxecto contou con máis de 1.000 rapaces implicados, pertencentes a 5º e 6º de Primaria.
Nesta ocasión, proséguese nestes obxectivos deseñando un conxunto de actividades interactivas de carácter formativo, educativo, cultural e lúdico. O proxecto, que é gratuíto, está dirixido aos once centros públicos e concertados existentes no concello riveirense, estimándose en máis de 350 o número de nenos que visitarán o parque a través de 13 xornadas (unha por colexio agás o Galaxia e o Grupo, que traerán dous grupos diferentes).
Cada grupo de alumnos que acuda ao parque comezará o día cunha breve introdución na que se explicará en que vai consistir a xornada para efectuar a continuación unha visita guiada á exposición arqueolóxica Megalitismo, Idade de Bronce e Idade de Ferro. Acto seguido, os rapaces farán unha plantación na parcela indicada anteriormente. Tras un descanso merenda, coñecerán as árbores e follas de San Roque co apoio de guías e cadernos de campo. Tras un período de lecer con xogos e cancións, farán unha breve avaliación da xornada desenvolvida.
Posted via email from Certo.gl, o xornal dixital de Barbanza e Noia
Compártelo
Ribeira: "O Terceiro I", proxecto interxeneracional de intervención socioeducativa na Rede, preséntase este venres 29
Posted via email from Certo.gl, o xornal dixital de Barbanza e Noia
Compártelo
Noia: o Psoe esixe á Xunta a escola infantil para a que recibiu fondos do Estado en 2009 e 2010
A Galiña Azul de Dodro, un concello con ben menos habitantes que Noia (pouco máis de 3.000 fronte a máis de 15.000) Noia, 28 de abril de 2011. O deputado socialista Lage Tuñas preguntou hoxe na comisión 5ª do Parlamento se o goberno galego tiña pensado construir en 2011 a escola infantil prevista dende o 2008. Segundo o deputado noiés, ”o goberno practica o escapismo de forma permanente e négase a decirnos se ten pensado construir unha escola infantil en Noia, que é unha demanda de moitas familias e un equipamento social necesario”. Recordou tamén que “Noia é dos poucos concellos de Galicia de máis de 15.000 habitantes que non conta cunha escola infantil, e Feijóo en 2 anos non fixo absolutamente nada, máis ben desfixo”.
Posted via email from Certo.gl, o xornal dixital de Barbanza e Noia
Compártelo
Ribeira: "Carreira ante as municipais", mesa redonda este venres 29 cos alcaldables dos catro partidos
Ribeira, 28 de abril de 2011. A Asociación de Veciños de Carreira organiza este vindeiro venres unha mesa redonda co título “Carreira ante as municipais”.
O acto terá lugar o vindeiro venres (29 de abril), na Casa de Cultura carreirense, a partir das 21.00 horas, e teñen previsto contar coa presencia dos “cabezas de lista” dos catro partidos con presencia municipal no concello ribeirense: BNG-IPR-PSOE-PP.
Os asistentes poderán coñecer de primeira man tanto as avaliacións dos distintos grupos sobre a lexislalura que está a punto de rematar, como dos seus proxectos para a vindeira, e mesmo poderán trasladarlle as súas preguntas ós candidatos sobre aquelas cuestións tanto de índole municipal como parroquiaPode que tamén lle interese:
Rianxo: Leiras convoca a veciños e políticos para falar do futuro do rural este sábado 30
Posted via email from Certo.gl, o xornal dixital de Barbanza e Noia
Compártelo
Deportes: Mudegá denuncia discriminación sexista da Federación Mundial de Badmington por obrigar a usar saia ás mulleres
Esta nena non podería xogar así, segundo a Federación Mundial de Badmington. Flickr de Luís Fernando Oliveira
Barbanza-Noia, 28 de abril de 2011. A asociación de Mulleres Deportistas Galegas (Mudegá) manifesta total desacordo sobre a obrigación de usar saia como única opcción de vestimenta que lles impoñen ás súas deportistas femininas dende a Federación Mundial de Badminton. Segundo Mudegá, esta federación prohibe ás xogadoras levar pantalóns e teñen que xogar con saia para “asegurar unha atractiva presentación”.
"Entendemos que unha deportista ten que competir coa vestimenta que lle resulte máis cómoda. Este é un tema tan incrible como desagradable, é un acto de discriminación sexista que como mulleres non debemos permitir", manifestou Pilar Neira, presidenta de Mudegá.
Opinión de Mudegá sobre o asunto:
Por que unha saia fai atractivo un deporte?
Antes, unha muller, non dispuña do seu corpo para si, debía dedicalo á maternidade xa que este era precisamente o único papel que a sociedade tíñalle reservado
Tradicionalmente a muller foi excluída da práctica deportiva xa que non encaixaba co seu rol de xénero.
Evidentemente, aínda queda moito para que o deporte masculino e feminino sexan equiparables, tanto a nivel humano como a nivel económico, O acceso das mulleres ao ámbito deportivo foi tardío e segue estando cheo de dificultades
O bádminton é un deporte de raqueta no que se enfrontan dous/dúas xogadores/as (individuais) ou dúas parellas (dobres).
A diferenza doutros deportes de raqueta, no bádminton non se xoga con pelota, senón cun proxectil con plumas inseridas chamado volante ou pluma
E tamén a diferenza doutros deportes, onte atopámonos coa desagradable sorpresa de que a Federación Mundial de Bádminton prohibe ás xogadoras levar pantalóns. Teñen que xogar con saia para “asegurar unha atractiva presentación” “para manter a estética do deporte”. Se queren, poden levar pantalón curto, pero debaixo da saia.
En Mudegá, entendemos que isto golpe á nosa dignidade. Queremos que se nos valore polo noso traballo, polo noso esforzo,polas nosas condicións como deportistas, baixo ningún concepto podemos permitir a obrigación de saír a un terreo de xogo, con saia, por entender que á vista dos seareiros ofrecemos unha mellor imaxe. Entendemos que estamos ante un caso grave de discriminación, e queremos manifestar o noso total desacordo ante esta decisión da Federación Mundial de Bádminton.
Posted via email from Certo.gl, o xornal dixital de Barbanza e Noia
Compártelo
Ribeira: o alcaldable do PP propón un lobby local do mar para defender este sector
En opinión do candidato, este Consello debe actuar como un verdadeiro lobby que, por unha parte, defenda os intereses da flota de baixura máis importante que hai en Galicia e as súas actividades afíns e, por outra, sirva de órgano asesor para a confección do Plan Estratéxico Portuario de Santa Uxía, que propón Ruiz Rivas co obxecto de definir os usos da infraestrutura portuaria, pero tamén para concretar as fórmulas adecuadas que potencien e poñan en valor o porto no seu conxunto.
Potencial da Nova Lonxa
Imaxe virtual: a saber cando estará a auténtica
A este respecto, Manuel Ruiz argumenta que os 17.000 metros cadrados de superficie da Nova Lonxa, sumados aos equipamentos de tecnoloxía punta de que vai dispor a instalación, van permitir captar novas flotas como a de altura, novas especies e tamén peixes conxelados. E se a isto se engade que cada persoa que traballa na actividade extractiva produce un mínimo de tres empregos indirectos, o candidato avoga polo establecemento de estratexias dirixidas á potenciación da venta en lonxa, co fin de xerar novas economías, novas sinerxías e novos postos de traballo, e con independencia de se as flotas operantes son de Riveira ou non.
Na defensa da súa proposta, Ruiz Rivas lembra o acontecido nos portos de Celeiro e de Vigo, onde a unión dos axentes propiciou o desenvolvemento de fórmulas de actuación conxunta e única, con óptimos resultados.
O candidato afirma que no caso de que os veciños lle outorguen a súa confianza o 22 de maio, este Consello Consultivo vai ser presidido directamente polo alcalde, e que a promoción económica do sector pesqueiro será un dos eixos básicos da súa acción de goberno xunto co industrial e o turístico.
Posted via email from Certo.gl, o xornal dixital de Barbanza e Noia
Compártelo
Ribeira: o 19 de maio, xornada informativa acerca da reforma laboral e as bonificacións en contratos
Ribeira, 28 de abril de 2011. O Concello, a Antena Local de Boiro da Cámara de Comercio de Santiago e o Centro Empresarial da Construción do Barbanza organizan para o día 19 de maio unha xornada informativa sobre “A Reforma Laboral e As Bonificacións nos Contratos”.
A actividade terá lugar ás 20.30 horas no local social do CECB (sito na rúa Mariño de Rivera, 11).
O programa abordará os seguintes temas:
- Tipos de contratos despois da reforma laboral
- Outros aspectos da reforma laboral
- Tipos de contratos bonificados despois da reforma laboral
- Características que debe cumprir un contrato laboral
Para máis información e inscricións, hai que dirixirse á Oficina de Desenvolvemento Local situada na Casa do Concello (Tel.: 981 835 417, fax: 981871 610, correo electrónico: emprego@riveira.com).
Posted via email from Certo.gl, o xornal dixital de Barbanza e Noia
Compártelo
Rianxo: o 1 de maio adícase ás xentes do mar cun concerto e unha misa con posterior ofrenda floral
Rianxo, 28 de abril de 2011. O próximo domingo a Área de Educación e Cultura do Concello de Rianxo xunto coa Confraría de Pescadores "Virxe do Carme" de Rianxo organizan unha serie de actos para conmemorar o 1º de maio, Día da Xente do Mar.
Os actos consisten en:
- 12:00 h. Auditorio de Rianxo. Concerto conmemorativo do VIII Aniversario da Banda da Escola de Música de Rianxo. O concerto "O MAR FEITO MÚSICA" estará dedicado ao mar e ás súas xentes.
- 13:15 h. Capela de San Bartolomeu. Misa Cantada polo Coro Sta. Columba na Capela de San Bartolomeu e posterior Ofrenda Floral (no mar e nos monumentos aos afogados e ás xentes do mar sitos no Parque Galicia)
Posted via email from Certo.gl, o xornal dixital de Barbanza e Noia
Compártelo
Rianxo: o VIII aniversario da banda da Escola de Música adícase o 1 de maio ás xentes do mar
-Elexía Mariñeira* (Antón Alcalde).
-A Tormenta Perfecta (James Horner).
-Man, o ermitán de Camelle* (Antón Alcalde).
-Songs of the sailor and the sea (Cancións do Mariñeiro e o Mar)(Robert W. Smith).
-A Manuela,a xeiteira invencible (Antón Alcalde).*Estreas absolutas.
Posted via email from Certo.gl, o xornal dixital de Barbanza e Noia
Compártelo
A Pobra: veciños de Vigo achegáronse ao Museo e figura de Valle
Trátase dun grupo de veciñas que, para conmemorar o remate dun dos numerosos cursos que organizan ao longo do ano, decidiron coñecer máis sobre este rincón barbanzano, os seus personaxes máis destacados e os seus lugares máis emblemáticos, polo que ó saír da Torre de Bermúdez, colleron camiño cara á igrexa de Santiago do Deán, xoia do gótico mariñeiro de Galicia e casa do Divino Nazareno.
Posted via email from Certo.gl, o xornal dixital de Barbanza e Noia
Compártelo
26.4.11
Noia: A Subela presenta o seu novo disco no Coliseo este sábado 30
Este vindeiro sábado 30 de abril ás 21:00h terá lugar no Coliseo Noela a presentación do cd do grupo de Música tradicional da Sociedade Liceo de Noia "A Subela".
Posted via email from Certo.gl, o xornal dixital de Barbanza e Noia
Compártelo
Sanidade: a Plataforma en Defensa da Sanidade Pública continúa coas mobilizacións. A vindeira, o 13 de maio en Boiro
Imaxe de arquivo de concentración diante do Hospital
Ribeira, 26 de abril de 2011. A Plataforma en defensa da Sanidade Pública da comarca da Barbanza informa que na reunión mantida o pasado 18 de Abril:
- Analizouse o resultado da manifestación do día 14 en Ribeira, en contra da privatización do servizo de diálise do Hospital da Barbanza, considerando un éxito a participación na mesma de máis de 2000 persoas.
- Decidíronse as accións a realizar nas próximas semanas:
- Solicitude dunha reunión coa Conselleira de Sanidade, dona Pilar Farjas, para mostrarlle a nosa preocupación pola posibilidade de transferir o servizo de diálise do Hospital da Barbanza a Fundación Privada Renal Iñigo Álvarez de Toledo.
- Recollida de sinaturas entre os usuarios do hospital en contra da privatización do servizo de diálise.
- Convocatoria dunha nova manifestación en Boiro, probablemente o venres 13 de Maio.
- Asemade gostaríanos puntualizar con respecto a entrevista publicada na Voz de Galicia o domigo 24 de Abril ao Dr Otero, xefe de nefroloxía do Complexo Hospitalario de Ourense:
- Chamanos a atención que en ningún momento se nomee a Fundación Renal Iñigo Álvarez de Toledo (FRIAT) falando en todo momento de empresa ou fundación de xeito xenérico, aínda que os 3 centros dos que fala da provincia de Ourense estean xestionados por dita Fundacións, tal vez sexa para que ningún lector poda buscar en internet FRIAT e atopar que o Dr. Otero ademáis de xefe de nefroloxía do CHOU (cargo que se repite varias veces no artigo) forma parte do patronato de FRIAT como vocal por razón do seu cargo.
- Parece que o Dr Otero non está ben informado porque dí textualmente “ Las unidades extrahospitalarias son las únicas que cuentan con acreditación Aenor y encuestas de satisfacción de los pacientes”, pois a unidade de diálise do Hospital da Barbanza conta coa acreditación de Aenor e enquisas de satisfacción de usuarios dende o 2004 ata a actualidade.
- Na entrevista parece que da a entender que no futuro todos os doentes van ser dializados no seu domicilio, e ninguén mellor que él sabe que os pacientes que poden ser dializados no seu domicilio teñen que cumplir uns requisitos médicos, unha planta de auga específica, coidadores que podan asumila…. de xeito que só u grupo específico de doentes pode realizala.
- Non sabemos as razóns polas que o Dr. Otero considera que non é necesario un nefrólogo de presenza durante as sesións de diálise, mentras que a Sociedade Española de Nefroloxía sí, pero do mesmo xeito que él se permite suxerir que as enfermeiras “no paraíso de diálise” non lles gostaría traballar noutra dependencia do hospital “con máis ocupación”, nos pensamos que o que fai está afirmación é o vocal de FRIAT máis que o xefe de servizo de nefroloxía.
- Tampouco entendemos porque o SERGAS non pode negociar tan bos prezos para os funxibles como as empresas ou fundacións. Pero tal vez debería empezar a negociar mellor estos prezos en vez de privatizar servizos.
- Non entendemos porque para atender aos pacientes que son dializados no Barco chega con que un nefrólogo de Ourense vaia 2 días a semana, mentras que no Santa María Nai, na cidade de Ourense, son atendidos polo nefrólogo de garda do CHOU todos os días ¿ Qué pasa que hai doentes de primeira e de segunda? ¿No Barco é suficiente un nefrólogo 2 días a semana? ¿ e en Ourense nefrólogo todos os días porque estamos na cidade?
- Cando atribue a polémica xerada no Barbanza ao período político no que estamos, nos tamén nos preguntamos se o feito de que o 23 de marzo aparacese o persoal de FRIAT no servizo de diálise no Hospital da Barbanza ten algo que ver coa campaña electoral, pola nosa parte simplemente reaccionamos ante algo que, casualidade ou non, ocurreu o 23 de marzo, o que non podíamos facer era deixalo pasar porque estaban cerca as eleccións municipais. A segunda suxerencia de que a razón sexa o “ interés de algunos trabajadores de permanecer en el servicio de diálisis”, consideramos que un persoal que todos estos anos demostrou o seu compromiso cos doentes, a atención de calidade e o interés na mellora continua, non merece que se insinue que todos son intereses personais como se estar orgulloso do traballo ben feito fora unha vergoña máis que una honra. Tal vez a cuestión sexa que o interés ou beneficio do vocal de FRIAT aumente a vez que aumentan os doentes dializados por esta Fundación.
- Para rematar a afirmación “ El problema de la enfermedad renal crónica, desde el punto de vista de la Administración sanitaria, es su alto coste, tanto que no es sostenible….” fai botarnos a tremer, pensando que vai ser o seguinte non asumible, de esta afirmación utilizada para xustificar a privatización a utilizala para xustificar o copago hai un camiño corto.
Posted via email from Certo.gl, o xornal dixital de Barbanza e Noia
Compártelo
Ribeira: o Bng comprométese a crear a Concellería de Pesca e facer do mar asunto crucial do municipio
Ribeira, 26 de abril de 2011. A alcaldable de Ribeira polo Bng, Dominga Brión, asegurou hoxe que se compromete a "poñer en marcha a Concellería de Pesca, que será o faro vixía, atento aos perigos, e a encargada de darlle voz ao mar. Tamén consideramos fundamental reclamar un novo status para Galiza: o de zona altamente dependente da pesca".
Bieito Lobeira, Xosé Luís Groveiro e a candidata citada reuníronse co sector pesqueiro, xuntanza á que acudiron o Patrón Maior de Ribeira e representantes de todas as asociacións locais tanto do ámbito pesqueiro como comercializador. Durante un par de horas déuselle un repaso a todos os problemas que afectan ao sector tanto no relativo á redución de cotas, como á necesidade de acondicionar e modernizar todas as infraestruturas portuarias. Insistiron na necesidade de competir en igualdade de condicións á hora de poder pescar e mesmo de negociar as cotas. "Para iso é fundamental que as administracións se impliquen na defensa dun sector estratéxico para o país. Neste senso, consideran fundamental para a viabilidade da flota incrementar as cotas para o vindeiro ano ao nivel do ano 2010 e manter os mercados, pois unha vez perdidos é moi difícil recuperalos. Con respecto á situación do porto, concordamos na necesidade dun Plan de Usos, dunha nova lonxa, de chabolas, de mellorar os pantaláns, o propio firme ou a dotación de tomas de auga. Do mesmo xeito, é evidente a falta de limpeza e de iluminación; persoalmente contei máis dunha ducia de luminarias fundidas", asegura Dominga Brión. Agravios comparativos"Tamén coincidimos no agravio comparativo que se está producindo a respectos doutros portos nos que se permite a subministración de gasolina ás embarcacións coas exencións fiscais previstas na lei, o que supón unha rebaixa no prezo do combustible dun 50% aproximadamente, do que a flota de Ribeira non se está a beneficiar. Dende a Concellería de Pesca traballaremos en coordinación co sector e con todas as administracións para que Ribeira non só manteña os actuais postos de traballo que se xeneran no mar, senón que mesmo se incrementen. Temos potencialidades para seguir sendo o primeiro porto de baixura de Europa e sector e administración deben navegar no mesmo barco para que a pesca en Ribeira teña futuro", concluíu a candidata nacionalista á alcaldía ribeirense.Posted via email from Certo.gl, o xornal dixital de Barbanza e Noia
Compártelo
Porto do Son: os independentes de Porto do Son xa teñen web
Porto do Son, 26 de abril de 2011. O Candidato a Alcaldía do AVS (Asociación Veciñal de Porto do Son), Javier Quiñoy Taboada, presentou páxina web da súa candidatura cara os vindeiros comicios electorais do 22 maio de 2011.
Con esta ferramenta TIC, o Partido AVS "busca unha nova canle de comunicación coa veciñanza sonense co gallo de escoitar e valorar o que consideran prioritario para este concello", aseguran dende esa formación política.Na páxina web encontraranse catro apartados e tamén un enlace á rede social Facebook. A páxina está en galego e castelán. Nesta páxina atopase un teléfono de contacto e un correo electrónico info@avsportodoson.org onde os veciños sonenses e internautas en especial, poden plantexar, presentar ou suxerir propostas que consideren importantes para a súa parroquia ou en xeral para o Concello.
Posted via email from Certo.gl, o xornal dixital de Barbanza e Noia
Compártelo
A Pobra: o equipo de goberno di que as obras do paseo do río Morto están "moi avanzadas"
inconsistente- lei electoral (que prohíbe fachendear dos logros
acadados, disque), en Certo publicámola en bruto, tal e como nos
chegou: "As obras do proxecto de construción do Paseo fluvial do Río Morto,
que están a levar a cabo as empresas da UTE RÍO MORTO, van a bo ritmo
e están moi avanzadas. Lembremos que a necesidade esencial desta obra é rematar coa
problemática existente na zona principalmente nas épocas de choiva que
producen nalgúns caso inundacións en parcelas, camiños e, en
determinados momentos, mesmo da propia estrada AC-305, causando
prexuízos aos veciños da zona. Tamén sinalar o seu interese
medioambiental xa que, ademais da importancia do seu propio contorno,
a súa conca nutre aos humidais das Xunqueiras. O proxecto contempla a construción dunha vía de case 450 metros
de longo por 16 metros de largo na que se integra un paseo fluvial nun
tramo de 200 metros, diferenciando claramente as zonas de tránsito
rodado do peonil, recuperando as marxes do río. O leito do río drágase
e mellórase no trazado do canle con muro de cachotería tradicional con
varandas de protección en aceiro inoxidable, pontes de madeira, paseo
con lousas de granito e farolas no paseo e a todo o longo da estrada
de circunvalación. Por outra parte, esta urbanización busca a humanización do camiño
mediante a plantación de árbores e céspede, instalación de farois e a
colocación de bancos e papeleiras ao longo do trazado. Este primeiro tramo da estrada de circunvalación dará moita
fluidez ao tráfico rodado da zona, e irá construída con asfaltado en
quente de 8 cm de espesor, novos tubos de saneamento con separativa
para pluviais e fecais. A actuación afecta a unha superficie total de 8.895 m2 e o seu
orzamento elevouse a 1.252.220 €, sendo subvencionado integramente
pola Consellería de Medio Ambiente, Territorio e Infraestruturas, á
que lle queremos agradecer a consecución de dito proxecto e, por
suposto, non podemos esquecernos dos veciños que nos deron todas as
facilidades para poder levar a bo fin esta gran obra e que desde aquí,
e en nome de todos os veciños da Pobra, queremos darlle as grazas
porque coa súa xenerosidade poderemos gozar desta importante
infraestrutura".
Posted via email from Certo.gl, o xornal dixital de Barbanza e Noia
Compártelo
Literatura: unha alumna do instituto da Cachada de Boiro e un alumno do "Virxe do Mar" de Noia, gañadores dos premios Ánxel Casal
Barbanza-Noia, 26 de abril de 2011. A canteira literaria nestas
bisbarras segue a colleitar premios. Os membros do xurado do concurso
literario Ánxel Casal deu a coñecer onte aos gañadores da XVI Edición,
que neste caso recaeron en alumnos de colexios e institutos de Noia,
Boiro e Santiago. En total presentáronse case 40 traballos chegados de
toda Galicia.
Castelo, do I.E.S Virxe do Mar, de Noia, polo traballo "Casa Tomada".
Segundo o xurado, "hai que destacar o traballo na arquitectura do
poemario constituído por catro partes e un post scriptum. É
interesante o diálogo entre as citas, dunha estirpe de escritoras moi
concreta, e a aportación do autor.. Ademais debe salientarse a tensión
reservada para o derradeiro verso, na súa precisión e no coidado da
palabra". En canto aos traballos presentados na modalidade de Conto, Lucía Laíño
Lojo, do IES A Cachada, de Boiro, acadou o primeiro premio coa obra
SMP15. Para o xurado, estamos ante un conto que non e conto, que é
unha novela, que engaiola pola ambición da narradora de contalo todo,
cunha estructura orixinal, actual e cun elemento fantástico moi ben
introducido no mundo real. En segundo posto quedou Alba Sofía Naseiro
Lamas, do IES Basanta Silva., de Vilalba, co título Os ollos da
pantasma, un relato de pautas, de estilo clásico, con clara
inspiración gótica e vitoriana, apuntando unha linguaxe imitadora da
novela do XIX. O traballo presentado por Helena Salgueiro Golán, do IES Antón
Fraguas., de Santiago de Compostela, co título "O transitorio das
palabras" foi merecente segundo o xurado do segundo premio xa que
"quere chamar a atención sobre o traballo desenvolvido coa linguaxe, e
a utilización do espacio do poema poñendo a proba a sintaxe. É
interesante, así mesmo, o tratamento da palabra en relación ao
silencio e a contención como fórmula que resolve o desencontro no acto
poético". No apartado de Teatro, a gañadora foi Concepció Rubert Castro, do
Colexio La Salle, de Santiago de Compostela, polo traballo "Eros &
Psique". O comentario dos expertos destaca a singularidade do tema
abordado que actualiza o mito clásico de Eros e Afrodita levando o
conflito ao tempo actual. Salienta así mesmo a fluidez da escrita e a
estrutura dramática moi coidada, tanto nas acoutacións como no
desenvolvemento dunha peza concibida para ser representada. O segundo
premio declarouse deserto.
ACTA DO XURADO DA XVI EDICIÓN DO CONCURSO LITERARIO ÁNXEL CASAL 2011
Logo da convocatoria do Departamento de Educación deste Concello para
os efectos de elixir os premios da XVI Edición do Concurso Literario
Ánxel Casal nas modalidades de conto, teatro e poesía, reúnense no
Salón Verde do Concello de Santiago de Compostela os seguintes membros
do xurado: Mercedes Rosón Ferreiro
Marcos Sánchez Calveiro Concelleira de Educación Escritor Xosé M. Rodríguez – Abella Gómez Secretario do Xurado Manolo Bragado Director da Editorial Xerais Dores Tembrás Campos Poeta Rosa López Gato Profesora de Lingua e Literatura Galega Ás 9:30 horas do día 25 de abril de 2011, a presidencia abre unha
quenda de intervencións para que os membros do xurado expoñan os seus
criterios con respecto aos traballos presentados a esta XVI Edición do
concurso literario Ánxel Casal. Logo das oportunas deliberacións, resultan elixidos os seguintes textos: Na MODALIDADE DE POESÍA: 1º Premio, presentado por Ismael Ramos Castelo, do I.E.S Virxe do Mar,
de Noia, co título Casa Tomada e baixo o pseudónimo Antítese da
Ruína. Comentario: Hai que destacar o traballo na arquitectura do poemario constituído
por catro partes e un post scriptum. É interesante o diálogo entre as
citas, dunha estirpe de escritoras moi concreta, e a aportación do
autor. Ademais debe salientarse a tensión reservada para o derradeiro
verso, na súa precisión e no coidado da palabra. 2º Premio, presentado por Helena Salgueiro Golán, do IES Antón
Fraguas, de Santiago de Compostela, co título O transitorio das
palabras e baixo o pseudónimo Valsanviz. Comentario: O xurado quere chamar a atención sobre o traballo desenvolvido coa
linguaxe, e a utilización do espacio do poema poñendo a proba a
sintaxe. É interesante, así mesmo, o tratamento da palabra en relación
ao silencio e a contención como fórmula que resolve o desencontro no
acto poético. MODALIDADE DE TEATRO: 1º Premio, presentado por Concepció Rubert Castro, do Colexio La
Salle, de Santiago de Compostela, co título Eros & Psique e baixo o
pseudónimo Rufa López . Comentario: O xurado destaca a singularidade do tema abordado que actualiza o mito
clásico de Eros e Afrodita levando o conflito ao tempo actual. Destaca
a fluidez da escrita e a estrutura dramática moi coidada, tanto nas
acoutacións como no desenvolvemento dunha peza concibida para ser
representada.
2º Premio, declárase deserto. En canto aos traballos presentados na MODALIDADE DE CONTO: 1º Premio, presentado por Lucía Laíño Lojo, do IES A Cachada, de
Boiro, co título SMP15 e baixo o pseudónimo Ericium. Comentario: Un conto que non é conto, que é unha novela. Engaiola pola ambición da
narradora de contalo todo, cunha estrutura orixinal, actual e cun
elemento fantástico moi ben introducido no mundo real.
2º Premio, presentado por Alba Sofía Naseiro Lamas, do IES Basanta
Silva, de Vilalba, co título Os ollos da pantasma e baixo o
pseudónimo Rosalía Branco . Comentario: Un relato de pantasmas, de estilo clásico, con clara inspiración
gótica e vitoriana. Apunta unha linguaxe imitadora da novela do XIX. Santiago de Compostela, 25 de abril de 2011
Posted via email from Certo.gl, o xornal dixital de Barbanza e Noia
Compártelo
Noia: o luns 2 de maio e o mércores 4, xornadas sobre traballo en rede e redes sociais profesionais
Será na aula da Rede Cemit, de Noia
Noia, 26 de abril de 2011. O luns 2 e o mércores 4 de maio celebraranse na aula Multimedia CeMIT de Noia unhas xornadas sobre o networking e as redes sociais profesionais, impartidas por David Saavedra Pino e Juan José Romero Crusat.
Finalidade:
Coñecer a potencialidade do NETWORKING e das REDES SOCIALES PROFESIONALES na búsqueda de emprego.
Programa:
- ¿Que é O NETWORKING?
- ¿Como facer NETWORKING?
- A importancia da tarxeta de visita.
- O “discurso do ascensor”
- Uso das redes sociais.
- A identidade dixital. Monitorización da identidade 2.0.
- Donde buscar traballo nas redes sociais.
- A teoría dos 6 grados de separación.
- Xestión da rede de contactos.
- Redes sociais profesionais: XING, LINKEDIN, VIADEO,…
- Creación dun perfil profesional.
- Xestión do perfil profesional: datos de contacto.
- Xestión do perfil profesional: datos académicos e laborais.
- Xestión do perfil profesional: Busco e ofrezco.
- Participación nos grupos e foros de trabajo.
- Define a túa estrategia o NETWORKING PLAN.
Ponentes:
- David Saavedra Pino. Co-moderador do Grupo de Traballo Social de XING. Community Manager Profesional. Membro da Asociación de Responsables de Comunidades on-line.
- Juan José Romero Crusat. Profesor de habilidades directivas en Social Business School e Director de Marketing en Identia Coaching&Formación. Autor do blog www.silosenovendo.com
Duración:
- 2 horas.
Días:
- 2 e 4 de maio de 2011. Horario: 16:30 a 18:30 h.
Información e inscripcións:
- 609.82.31.34;
- networking.socialmedia@gmail.com
Posted via email from Certo.gl, o xornal dixital de Barbanza e Noia
Compártelo
Rianxo: este sábado 30, charla-coloquio da asociación "Leiras de Rianxo"
“Presente e futuro no rural de Rianxo”, leva por título
Rianxo, 26 de abril de 2011. A Asociación para a Defensa do Rural “Leiras” de Rianxo comunica que o próximo sábado, día 30 de abril, ás 19:30 horas no Auditorio de Rianxo vaise celebrar unha charla-coloquio, na que están convidados a participar os candidatos do BNG, PP e PSOE á alcaldía deste concello e que estará moderada por José Manuel Triñanes, director de Radio Boiro.
Como as liñas prioritarias da Asociación “Leiras” se concentran na defensa dos intereses e valores do medio rural de Rianxo, organizou este acto para que os diferentes candidatos expoñan as liñas principais do seu programa electoral con respecto a este ámbito. Deste xeito, os veciños e veciñas poderán coñecer de primeira man cales son as políticas e actuacións que cada unha das candidaturas ten previsto levar a cabo no rural en relación á consideración que terá no Plan Xeral de Ordenación Municipal –nestes momentos, en proceso de elaboración-; na dotación de servizos básicos; na apertura e acondicionamento de viais; na dinamización da súa actividade industrial, comercial e económica; na creación ou mantemento de áreas recreativas; na súa inclusión nas programacións culturais; e na recuperación dos seus bens patrimoniais.
Para que todas estas cuestións se poidan abordar, os candidatos terán a oportunidade de facer unha presentación inicial, na que, de forma xeral, poidan aludir aos seus proxectos en relación ao rural. Posteriormente, o moderador pasará a facerlles unha serie de preguntas, que serán complementadas por outras que poderán facer os mesmos asistentes, por medio dunhas tarxetas que terán á súa disposición.
Tediosos programas electorais que ninguén le
Trátase, en fin, dun acto informativo "que consideramos de suma relevancia por permitir coñecer con certo detalle as actuacións futuras que se van levar a cabo no ámbito rural que, en moitas ocasións, quedan difusas nos tediosos programas electorais, que, á súa vez, case ninguén le. Asemade, consideramos que é un acto que pon no centro da vida municipal o medio rural, que sempre está relegado a un segundo plano, pese a ter un gran peso no Concello de Rianxo. Daí que este acto pioneiro, pois é a primeira vez que se realiza un destas características, sexa decisivo para a orientación do voto de moitos rianxeiros e rianxeiras dos núcleos rurais, cansos de que os encadren na segunda división", explican dende Leiras de Rianxo.
Historia de Leiras
A Asociación para a Defensa do Rural “Leiras” de Rianxo foi fundada no mes de febreiro de 2009 por un grupo de persoas que se sentían preocupadas e sensibilizadas ante o abandono e involución que estaban a experimentar as zonas rurais do Concello de Rianxo. Ante a imposibilidade de que os seus núcleos rurais medrasen, por non existir un Plan Xeral de Ordenación Municipal (PXOM) e ser elevadísimo o custo da adquisición e rehabilitación dunha casa no rural, moitos dos mozos e mozas que tiñan intención de asentarse neste medio, víronse na obriga de marchar para concellos limítrofes pola súa atractiva oferta de vivendas. Esta marcha das novas xeracións e a desaparición da xente de idade, por cuestións biolóxicas, está a derivar nunha perda de masa poboacional considerable no rural, o que repercute negativamente na súa economía, desenvolvemento, estado de conservación…
Todas estas razóns foron, pois, o xerme da constitución da citada Asociación que ten, entre os seus obxectivos:
- Defender os interese e valores do medio rural.
- Loitar por unha consideración xusta e axeitada do rural no PXOM.
- Velar polos dereitos de información e de iniciativa dos particulares e veciñanza na elaboración do PXOM, un proceso no que estamos inmersos hai moitos anos e que, até o momento, resultou ser un traballo estéril, custosísimo e motivo de discrepancia entre o goberno municipal e os seus veciños.
- Potenciar todas aquelas accións que promovan a vida social, económica e cultural do rural.
- Recuperar o patrimonio material e inmaterial do rural.
Por todo isto, esta Asociación procurou información e buscou asesoramento en todas aquelas cuestións que conducisen cara ao cumprimento destes obxectivos, ademais de facer as peticións e reclamacións antes as entidades oportunas para que as súas demandas fosen escoitadas (ver anexo I).
ANEXO I: Accións de “Leiras”
Dende a súa constitución no mes de abril de 2009, a Asociación para o Desenvolvemento do Rural “Leiras” de Rianxo realizou as seguintes accións:
> Reunións con diferente persoal técnico (arquitectos, avogados…) para informarse sobre a elaboración de Plans Xerais de Ordenación Municipal e, en concreto, sobre a situación do Concello de Rianxo a nivel urbanístico.
> Reunións por todas as parroquias para dar a coñecer a Asociación e facer socios, así como para saber das inquietudes, preocupacións… dos seus veciños.
> Reunións con sectores económicos relacionados co urbanismo.
> Intervención en diferentes medios de comunicación (televisión, prensa…) para dar a coñecer a Asociación e as súas diferentes accións.
> Solicitude, ante as entidades pertinentes, para que se revisasen as velocidades de tránsito que supuñan un verdadeiro perigo en certas vías.
> Reunións e tomas de contacto con diversos organismos para a petición de axudas que contribuísen á consecución dalgúns dos obxectivos da Asociación.
> Atención a todas aquelas peticións ou queixas presentadas polos nosos socios e que tivesen relación cos fins da Asociación.
> Realización de varias xuntanzas co alcalde e diferentes membros da súa corporación e persoal técnico do Concello de Rianxo para falar dos seguintes temas:
> Presentación da Asociación.
> Problemática do anterior Plan Xeral de Ordenación Municipal (PXOM) elaborado pola empresa Arteplan.
> Delimitación dos núcleos rurais, o que permitiría un avance na elaboración do PXOM.
> Compromiso por parte do Concello para que se busque unha fórmula ou un sistema concreto para que se coñeza o parecer da veciñanza con respecto á elaboración do novo PXOM.
> Compromiso por parte do Concello para que se presenten avances do PXOM e os veciños, en tempo e prazo, poidan facer as alegacións oportunas.
> Revisión do traballo realizado pola arquitecta municipal dadas as queixas que sobre o seu labor se manifestaron.
> Creación dunha oficina de urbanismo con persoal especializado para que atendese, con adecuación, os problemas puntuais de cada un dos veciños en materia de urbanismo.
> Maior atención ás necesidades, carencias e deficiencias que presentan os núcleos rurais de Rianxo.
> Estabelecemento de prácticas que dinamicen a vida económica e social das aldeas do Concello.
> Recuperación do noso patrimonio cultural e artístico (petición de información sobre a desaparición dun cruceiro en Somoza).
> Petición de axudas dadas pola Xunta de Galicia para que as persoas das aldeas tivesen a oportunidade de contar con autobuses gratuítos para desprazarse a Rianxo.
> Petición para que o Concello incluíse as aldeas dentro do circuíto de actividades culturais que organiza durante todos os veráns.
> Xuntanzas cos grupos políticos da oposición para coñecer o seu parecer sobre o PXOM.
> Realización de consultas particulares aos socios para saber cál era a súa intención de edificar nalgunha das súas propiedades. Cubríuselle unha solicitude que se acompañou coa correspondente documentación catastral. A seguir, confeccionáronse mapas de todo o concello, para marcar as referencias indicadas polos socios. Queremos entregarlle todo este material ao equipo redactor, pois dende o mes de setembro estamos á espera de ser convocados polo Concello que, no seu día, nos prometera esta reunión e, pese aos insistentes recordatorios pola nosa parte, aínda non fomos convocados.
> Plan de Ordenación do Litoral (POL). Pediuse información a través de diferentes vías (teléfono e escritos que entraron por rexistro) para coñecer o avance feito pola Xunta de Galicia ao respecto para Rianxo, período de exposición pública, alegacións... Así mesmo, solicitóuselle ao equipo de goberno que se fixesen charlas informativas sobre o citado avance. Asistiuse a estas charlar, estudáronse as alegacións feitas polo Concello e fixéronselles certas apreciacións, atendendo sempre aos intereses xerais e particulares da Asociación e dos seus socios.
Posted via email from Certo.gl, o xornal dixital de Barbanza e Noia
Compártelo
Ribeira: Feijóo e Basagoiti, na comida de confraternidade do PP este sábado 30 de abril
Esta comida, programada para as 14.30 horas do citado sábado día 30, servirá para presentar ante a sociedade ribeirense aos candidatos que acompañarán na lista a Manuel Ruiz Rivas nas súas aspiracións á Alcaldía.
Está confirmada a presenza na xuntanza de Alberto Núñez Feijóo, así como do presidente do Partido Popular no País Vasco, Antonio Basagoiti.
Os veciños interesados en participar aínda están a tempo de adquirir as súas entradas na sede do Partido Popular de Riveira (na rúa Pérez Galdós, 14, de Santa Uxía) e nos demais lugares de costume. O prezo é de 10 euros.
Posted via email from Certo.gl, o xornal dixital de Barbanza e Noia
Compártelo
Ribeira: históricos y primeros espadas del socialismo apoyaron la presentación de Andrés Fariña como candidato a la alcaldía
Ribeira, 26 de abril de 2011. El candidato del PSdeG a la alcaldía de Ribeira, Andrés Fariña, se comprometió el pasado día 24 a que la capital del Barbanza “teña definido” su Plan Estratégico “no primeiro trimestre do 2013” si los ribeirenses respaldan su candidatura en las elecciones municipales del 22-M. El candidato socialista también se comprometió a reclamar ante la Xunta un Plan Director para el puerto de Ribeira. “Comprométome a poñer a Ribeira no centro das axendas, a conseguir para a cidade unha proxección exterior”. Así lo anunció durante la presentación de su candidatura en un salón de actos de la Casa do Mar de la capital del Barbanza lleno hasta la bandera. Andrés Fariña contó con el respaldo del ministro de Justicia, Francisco Caamaño; del presidente de la Diputación da Coruña, Salvador Fernández Moreda; del alcalde de Santiago de Compostela, José Sánchez Bugallo, y de cientos de militantes y simpatizantes. Derribos FeijóoEl ministro de Justicia, en su intervención, criticó la política de la Xunta. Y calificó el Gobierno autonómico como “Derribos Feijóo”. “É un bo nome para esa empresa”. Citó una serie de logros conseguidos con anterioridad que , a su juicio, “derribou” el presidente de la Xunta, como, por ejemplo, los libros gratuitos para escolares, seguros para la gente del mar o la agilización de las listas de espera. “Día a día desmantelan todo”, apuntó Caamaño, quien recordó que Núñez Feijóo “sólo quere as competencias que lle gustan”. El ministro también censuró la política antiterrorista que defiende el PP. “Canto máis avanzamos cara a fin de ETA, máis nerviosos se poñen no Partido Popular”. Francisco Caamaño indicó que los populares hacen cualquier cosa sólo para evitar reconocer que la política del Gobierno “é a máis eficaz na loita contra ETA”. Y puso el ejemplo de las más de 725 etarras detenidos desde 2004, “oito por mes”. “Detivéronse catro cúpulas [de ETA] e seguimos a loitar en todos os frentes”, reiteró el ministro de Justicia, quien recordó que “vivimos nun estado de dereito”. “Mal empezamos se lle decimos aos xuices o que teñen que facer”. Francisco Caamaño se refirió así a la decisión de la justicia de excarcelar al etarra Troitiño. “Temos que deixar que sexan os xuices os que decidan”. El ministro aludió con esta sentencia tanto a la decisión de excarcelarlo como, posteriormente, decidir emitir una orden de busca y captura. El alcalde de Santiago de Compostela, por su parte, destacó dos virtudes del candidato de PSdeG a la alcaldía de Ribeira: “Honestidade e bonomía”. Y aseguró que Andrés Fariña “será un bo alcalde” para la capital del Barbanza. “Terá a oportunidade de reconducir a dirección”, manifestó en referencia a las carencias que tiene la ciudad. Bugallo echó en falta un proyecto de ciudad para Ribeira “e para que os seus veciños teñan máis calidade de vida”. Por su parte, el presidente de la Diputación da Coruña, destaco la “xenerosidade” de Andrés Fariña por “renunciar a algo que xa está conseguido”, en referencia al gobierno en la ciudad de Santiago, “para pelexar por algo que non vai ser fácil”, en alusión a la alcaldía de Ribeira. Concello como mayor empresa
Para Salvador Fernández Moreda, “o Concello é a maior empresa que ten este municipio”. Y para gestionarla hace falta “xente con experiencia de xestión; e Andrés xa a ten”. En opinión del presidente de la Diputación da Coruña, “os retos difíciles son os que merecen a pena”. El líder provincial del PSdeG también recordó que el PSOE “é un partido municipalista” porque “preocúpase de buscar solucións”. A su juicio, “o Concello é a empresa que xestiona a felicidade dos veciños”. Agradeció el compromiso adquirido por Andrés Fariña, pese a que “quizá fose máis cómodo quedarse en Santiago”. El candidato a la alcaldía de Ribeira se comprometió a hacer una política “humanista, progresista e para o benestar”. Y dijo estar convencido de que el PSOE “é necesario para o futuro desta cidade”. A su juicio, “o dificil é facer un proxecto de cidade no que participen todos”. Andrés Fariña, dirigiéndose a un abarrotado auditorio, prometió “trasladar a ilusión á cidade” y a los 9.271 ciudades de Ribeira que no fueron a votar en la última cita electoral municipal. El candidato del PSdeG se comprometió, si cuenta con el respaldo de los votantes, a reclamar ante la Xunta un Plan Director Portuario para Ribeira. “Temos una desfeita de porto”, se lamentó. Al mismo tiempo se comprometió a dotar a la ciudad de “proxección exterior” y “situala no centro das axendas”. “Teño capacidade de decisión”, apuntó. En esa misma línea, Andrés Fariña se comprometió a tener listo y definido un Plan Estratéxico para Ribeira “no primeiro trimestre de 2013”. “A cidade precisa tomar medidas”.
"Indignaos" en el Día del LibroEl candidato del PSdeG a la alcaldía de Ribeira, Andrés Fariña, y los demás integrantes de la candidatura, repartieron durante la mañana del 23 de abril, Día del Libro, en el malecón de Ribeira ejemplares de ‘¡Indignaos!’, en castellano, e ‘¡Indignádevos!’ en gallego, del autor francés Stéphane Hessel, un libro-manifiesto que llama a la movilización pacífica de los ciudadanos. La versión en castellano está prologada por José Luis Sampedro. Y la versión en gallego, por Manuel Rivas. La candidatura del PSdeG celebró así el ‘Día del Libro’ con el reparto en el Malecón de Ribeira de ejemplares de un título que no deja indiferentes a los ciudadanos del mundo. Andrés Fariña pretende trasladar la inquietud plasmada en ese libro a los vecinos de Ribeira y evitar que caigan en la apatía y el conformismo, tal y como plantea Hessel’, un autor de 93 años que se ha convertido en la conciencia social de Francia y de medio mundo con un libro de únicamente 30 páginas. Andrés Fariña, a través de ‘¡Indignaos!’ y de ‘¡Indignádevos!’, pretende trasladar a los vecinos de Ribeira un alegato para que éstos no se mantengan indiferentes y tomen partido ante la próxima cita electoral. Los integrantes de la candidatura del PSdeG, para celebrar el Día del Libro, también repartieron otros títulos para todas las edades.
Posted via email from Certo.gl, o xornal dixital de Barbanza e Noia
Compártelo
